తమిళ స్టార్ హీరో ధనుష్(Dhanush) వరుస హిట్ సినిమాలతో దూసుకెళ్తున్నారు. ఇది కాకుండా ఆయన మరో విషయమై వార్తల్లో నిలిచారు. ఈ ఏడాది ఫిబ్రవరిలో చెన్నైలోని పోయెస్ గార్డెన్లో కొత్త ఇంటి కోసం ధనుష్ శంకుస్థాపన చేశారు. అయితే అత్యాధునిక వసతులతో రూ.150 కోట్లు ఖర్చుతో ఈ భవనాన్ని నిర్మించనున్నట్లు తెలుస్తోంది! నాలుగు అంతస్థుల్లో ఈ ఇంటిని కట్టనున్నట్లు సమాచారం. అదే ప్రాంతంలో తన మామ సూపర్స్టార్ రజనీకాంత్ కూడా ఉండటం విశేషం.
బాలీవుడ్ బ్యూటీ జాక్వెలిన్ ఫెర్నాండెజ్ కూడా తన ప్రియుడితో కలిసి ఉండేందుకు ముంబయిలోని ఖరీదైన జుహు ప్రాంతంలో రూ.175కోట్ల పెట్టి ఓ బంగళా కొనుగోలు చేయనుందని కొన్ని రోజులుగా ప్రచారం సాగుతోంది. రష్మిక కూడా ముంబయిలో ఓ అపార్ట్మెంట్ను కొనుగోలు చేసి అక్కడికి మకాం మార్చింది.
ఇటీవల ధనుష్.. 'జగమేతంత్రం' సినిమాతో ప్రేక్షకుల ముందుకొచ్చారు. ప్రస్తుతం 'ది గ్రే మ్యాన్'(హాలీవుడ్), యువ దర్శకుడు కార్తిక్ నరేన్తో ఓ సినిమా చేస్తున్నారు. తెలుగు దర్శకుడు శేఖర్ కమ్ములతో ఓ పాన్ ఇండియా సినిమా చేసేందుకు గ్రీన్సిగ్నల్ ఇచ్చారు.
ఇదీ చూడండి: Dhanush: ధనుష్ తొలి తెలుగు సినిమా.. అదీ పాన్ ఇండియా కథతో
