Prabhas Radhe shyam: డార్లింగ్ ప్రభాస్ 'రాధేశ్యామ్' సినిమా నుంచి కొత్త అప్డేట్ వచ్చేసింది. ఫుల్ఫామ్లో ఉన్న తమన్ను.. బ్యాక్గ్రౌండ్ మ్యూజిక్ కోసం తీసుకున్నారు. ఆదివారం అధికారికంగా ప్రకటించారు. అయితే మూవీ రిలీజ్కు మరో 20 రోజులే ఉన్న ఈ సమయంలో ఈ విషయం వెల్లడించడం అభిమానుల్ని కాస్త ఆశ్చర్యపరిచింది!
ఇటీవల వచ్చిన బాలయ్య 'అఖండ' సినిమాతో తన డ్రమ్స్ పవర్ చూపించారు తమన్. ఈ చిత్రంలో బాలయ్య నటనతో పాటు తమన్ బ్యాక్గ్రౌండ్ మ్యూజిక్ హైలెట్గా నిలిచాయి. సినిమా వసూళ్ల వర్షం కురిపించడంలో కీలకపాత్ర పోషించాయి. అలాంటి తమన్ను 'రాధేశ్యామ్' కోసం తీసుకోవడం వల్ల సినిమాపై అంచనాలు పెరిగిపోతున్నాయి.
1970ల నాటి లవ్స్టోరీతో తీసిన సినిమా 'రాధేశ్యామ్'. ప్రభాస్ సరసన పూజాహెగ్డే హీరోయిన్గా చేసింది. ఇటీవల రిలీజైన ట్రైలర్ చూస్తుంటే వీరిద్దరి కెమిస్ట్రీ స్క్రీన్పై అభిమానుల్ని మెస్మరైజ్ కానున్నారనే విషయాన్ని స్పష్టం చేస్తుంది. అలానే డైరెక్టర్ రాధాకృష్ణ కుమార్ టేకింగ్ కూడా ఆసక్తిని పెంచుతుంది.
ఈ సినిమాలో రెబల్స్టార్ కృష్ణంరాజు, పరమహంస అనే కీలకపాత్ర పోషించారు. దక్షిణాదిలో జస్టిన్ ప్రభాకరన్ సంగీతమందించారు. యూవీ క్రియేషన్స్, గోపీకృష్ణ మూవీస్ సంయుక్తంగా నిర్మించాయి. జనవరి 14న పాన్ ఇండియా రేంజ్లో ఈ సినిమా రిలీజ్ కానుంది.
- " class="align-text-top noRightClick twitterSection" data="">
ఇవీ చదవండి:
