విలక్షణ కథతో తీసిన 'జాంబీ రెడ్డి'.. ప్రేక్షకుల్ని అలరిస్తూ వసూళ్లలో దూసుకెళ్తోంది. ఈ క్రమంలో దర్శకుడు ప్రశాంత్ వర్మను పలువురు సెలబ్రిటీలు ప్రశంసిస్తున్నారు. ఫ్యాక్షన్ బ్యాక్డ్రాప్కు జాంబీ జోనర్ జోడించడం కొత్తగా ఉందని చెబుతున్నారు. ఇప్పుడు 'బాహుబలి' దర్శకుడు రాజమౌళి కూడా ఇతడిని మెచ్చుకున్నట్లు తెలుస్తోంది. సోషల్ మీడియా జక్కన్నకు ధన్యవాదాలు తెలుపుతూ ప్రశాంత్ వర్మ పోస్ట్ పెట్టడమే ఇందుకు కారణం.
తేజ, ఆనంది, దక్ష, గెటప్ శీను తదితరులు ఈ సినిమాలో కీలక పాత్రలు పోషించారు. విడుదలైన మూడు రోజుల్లోనే రూ.7.25 కోట్ల వసూళ్లు సాధించినట్లు చిత్రబృందం పోస్టర్ విడుదల చేసింది.
ఇది చదవండి: మేకింగ్ వీడియోతో భయపెడుతున్న 'జాంబీరెడ్డి'
