"నా పిల్లల ఎదుగుదలను చూడలేకపోయానని బాధగా ఉంది" అని ప్రముఖ గాయకుడు ఎస్పీ బాలసుబ్రహ్మణ్యం గతంలో ఇచ్చిన ఓ ఇంటర్వ్యూలో చెప్పారు. వీటితో పాటే తన జీవితంలో జరిగిన ఇలాంటి సంఘటనల్ని పంచుకున్నారు.
"నా పిల్లలు పెరిగే వయసులో, వారితో ఉండలేకపోయాను. 49 ఏళ్ల కెరీర్లో(2015లో మాట్లాడతూ) రోజుకు సరాసరి 11 గంటలు పనిచేసిన సందర్భాలు ఉన్నాయి. దీంతో చరణ్, పల్లవిల ఎదుగుదల చూడలేకపోయాను. సంప్రదాయ సంగీతం నేర్చుకోలేకపోయాను. ఇంజినీరింగ్ డిగ్రీ సగంలోనే వదిలేశాననే బాధగా ఉండేది" -ఎస్పీ బాలు, ప్రముఖ గాయకుడు
1966లో 'శ్రీశ్రీశ్రీ మర్యాద రామన్న' సినిమాతో గాయకుడిగా కెరీర్ ప్రారంభించారు బాలు. తనకు ప్రతిరోజూ మలుపులేనని, అంకిత భావంతో ఉండటం వల్లే ఇన్నేళ్ల పాటు కొనసాగగలిగానని అన్నారు.
"పాటల కోసం 5 గంటలకు స్టూడియోకు కొన్నిసార్లు వెళ్లేవాడిని. ఆ తర్వాత నాకు నేను సిద్ధం చేసుకునేవాడిని. పూర్తిస్థాయిలో సరే అనుకున్న తర్వాతే మైక్రోఫోన్ ముందుకు ఉండేవాడిని. చిన్న పెద్దా దర్శకుడు అనే తారతమ్యం నాకు ఉండేది కాదు. పాటకు న్యాయం చేయాలనేది నా ఆలోచన" -ఎస్పీ బాలు, గాయకుడు
చెన్నైలో శుక్రవారం మధ్యాహ్నం 1:04 గంటలకు తుదిశ్వాస విడిచిన బాలు.. తెలుగు, తమిళ, మలయాళ, కన్నడ, హిందీ బాషల్లో పాటలు పాడి విశేష గుర్తింపు తెచ్చుకున్నారు. మహమ్మద్ రఫీ.. తన 'ఆల్టైమ్ ఫేవరెట్' అని గతంలో చెప్పారు. ఆయన దగ్గర నుంచి చాలా విషయాలు నేర్చుకున్నానని వెల్లడించారు.
ఇవీ చదవండి:
- సంగీత సామ్రాట్ జీవితం.. పాటకే అంకితం
- రికార్డ్: 5 దశాబ్దాలు.. 16 భాషలు.. 40 వేల పాటలు
- 19 నందులు పొందిన గాన గంధర్వుడు బాలు
- ఇంజినీరు అవుతారనుకుంటే సింగర్ అయ్యారు
- ఎస్పీ బాలు మృతిపై సినీప్రముఖుల సంతాపం
- ఒక్కరోజులో ఎస్పీ ఎన్ని పాటలు పాడారంటే..?
- బాలు మొదటి రెమ్యునరేషన్ ఎంతో తెలుసా?
- బాలు లాంటి సింగర్ మళ్లీ పుట్టడం కష్టం!
- బాలు పాట కోసం ఎంజీఆర్ షూటింగ్ వాయిదా
- లాక్డౌన్లో బాలు గానం.. 52 రోజుల్లో రూ.20 లక్షలు
