మాస్ మహారాజ్ రవితేజ హీరోగా తెరకెక్కిన 'క్రాక్' చిత్రం.. సంక్రాంతి కానుకగా విడుదలై సూపర్హిట్ టాక్ తెచ్చుకుంది. బాక్సాఫీసు వద్ద కలెక్షన్లు కొల్లగొడుతోన్న ఈ సినిమాను బాలీవుడ్లో రీమేక్ చేయడానికి సన్నాహాలు జరుగుతున్నాయి. దీనిపై ఓ హిందీ నిర్మాత క్రాక్ చిత్రబృందాన్ని సంప్రదించినట్లు టాలీవుడ్లో ప్రచారం జరుగుతోంది.
అయితే ఇందులో హీరోగా విలక్షణ నటుడు సోనూసూద్ నటించనున్నాడని సమాచారం. క్రాక్ సినిమా హక్కులను పొందేందుకు సోనూ కూడా చర్చలు జరుపుతున్నట్లు టాలీవుడ్లో గుసగుసలు వినిపిస్తున్నాయి. దీనిపై త్వరలోనే స్పష్టత రానుంది. సోనూ ప్రధానపాత్రలో ఇటీవలే 'కిసాన్' అనే సినిమా ప్రకటన వచ్చింది.
ఇదీ చూడండి: వృద్ధ స్నేహితులుగా అమితాబ్, బొమన్ ఇరాని
