బాలీవుడ్ నటి సోనాక్షి సిన్హా.. తన కల నెరవేర్చుకుంది. ముంబయి బాంద్రాలో సొంతింటిని కొనుగోలు చేసింది. ఈ విషయాన్ని ఆమెనే స్వయంగా వెల్లడించింది.
"నేను నటించడం మొదలుపెట్టినప్పుడే సొంతిల్లు కొనుక్కోవాలని అనుకున్నా. అదీ నా 30 ఏళ్లలోపే జరగాలని తీర్మానించుకున్నాను. నేను డెడ్లైన్ దాటొచ్చు కానీ నా కల మాత్రం నెరవేరింది" అని నవ్వుతూ చెప్పింది సోనాక్షి.
అయితే ఈ ఇంటిని తను అనుకున్నాను కాబట్టే కొనుగోలు చేశానని, ఇప్పటికీ అమ్మనాన్నలతోనే ఉంటానని సోనాక్షి చెప్పింది.
చివరగా సల్మాన్ 'దబాంగ్ 3'లో కనిపించిన ఈ భామ.. అజయ్ దేవగణ్, సంజయ్ దత్ నటించిన 'భుజ్: ది ప్రైడ్ ఆఫ్ ఇండియా'లో నటిస్తోంది.
ఇది చదవండి: 30 కిలోల బరువు తగ్గినా సరే అవమానించారు: సోనాక్షి
