'జబర్దస్త్‌'తో హాస్యనటుడిగా సినీప్రియులకు చేరువయ్యాడు సుడిగాలి సుధీర్. 'సాఫ్ట్వేర్ సుధీర్' అనే సినిమాతో హీరోగా పరిచయమవుతున్నాడు. షూటింగ్ పూర్తి చేసుకున్న ఈ చిత్రం.. పోస్ట్ ప్రొడక్షన్ జరుపుకుంటోంది. ఈ సందర్భంగా హైదరాబాద్లో సమావేశం ఏర్పాటు చేసిన చిత్రబృందం... సినిమాకు సంబంధించిన పలు విశేషాలను పంచుకుంది.
"ఈ సినిమా విషయంలో నాకెన్నో సర్‌ప్రైజ్‌లు ఎదురయ్యాయి. పెద్ద పెద్ద టెక్నీషియన్స్‌తో పనిచేసే అవకాశం దక్కింది. నేను ఆశించిన అంశాలన్నీ ఇందులో కనిపించాయి. ఈ చిత్రానికి కథే హీరో. పవన్ కల్యాణ్, రజనీకాంత్లను నేను ఆరాధిస్తాను. వాళ్లిద్దరినీ ఈ చిత్రంలో అనుకరించాను. నేను సినిమాల్లోకి రావడానికి చిరంజీవి స్ఫూర్తి" -సుడిగాలి సుధీర్, హీరో-హాస్య నటుడు
చిత్ర ప్రారంభోత్సవం రోజు సుధీర్ క్రేజ్‌ చూసి షాక్‌ అయ్యానని చెప్పింది హీరోయిన్ ధన్య బాలకృష్ణ. తన స్నేహితుల్లో చాలా మంది అతడి అభిమానులేనని తెలిపింది.
ఈ సినిమాకు రాజశేఖర్ రెడ్డి దర్శకత్వం వహించాడు. కె.శేఖర్రాజు నిర్మించారు. త్వరలో ప్రేక్షకుల ముందుకు రానుందీ చిత్రం.
ఇది చదవండి: 'సాఫ్ట్వేర్'గా మారిన సుడిగాలి సుధీర్..!
