తెలుగు పాటకు సొబగులద్దిన ప్రముఖ గేయ రచయిత సిరి వెన్నెల సీతరామశాస్త్రి కలం ఆగిపోయింది. ఇటీవల అస్వస్థతకు గురై కిమ్స్ ఆస్పత్రిలో చికిత్స పొందుతున్న ఆయన కన్నుమూశారు. ఈ విషయాన్ని వైద్యులు తెలిపారు. ఆయన మృతి పట్ల పలువురు సినీప్రముఖులు సంతాపం వ్యక్తం చేస్తున్నారు. ఈ నేపథ్యంలో ఆయన గురించి కొన్ని విశేషాలు మీకోసం..
35ఏళ్ల సినీ ప్రస్థానంలో దాదాపు 100కు పైగా సినిమాల్లో వేలాది పాటలు రాసిన పాటల మాంత్రికుడు సిరివెన్నెల. అమ్మగా, ప్రేయసిగా, ప్రియుడిగా, భర్తగా, భార్యగా, మహా భక్తుడిగా, సాహితీ విమర్శకుడిగా, పోరాట యోధుడిగా.. పాట పాటకూ తన ఆలోచనా రూపాన్ని కలం పదును పెంచుకొని చక్కటి గీతాలు రాస్తూ తెలుగు సినిమా సాహిత్యస్థాయిని పెంచిన నిత్యకృషీవలుడు. శ్రీశ్రీ, వేటూరి, సుద్దాల తర్వాత అనేక అవార్డులు అందుకున్న అద్వితీయ రచయిత. కెరీర్లో దాదాపు మూడు వేలకుపైగా పాటలను రచించిన ఈయనను 11 రాష్ట్ర నంది అవార్డులు, నాలుగు ఫిల్మ్ఫేర్ పురస్కారాలు వరించాయి. 2019లో ఆయన పద్మశ్రీ పురస్కారాన్ని అందుకున్నారు.
కిక్ ఎక్కించాయి
1989లో విడుదలైన 'శివ' చిత్రం నాటి కుర్రకారుకు కిక్ ఎక్కించింది. అందులో బోటనీ పాఠమా, మ్యాటనీ ఆటనా? కుర్రకారుతో గంతులేయించిందీ సిరివెన్నెల సీతారాముడే.
- " class="align-text-top noRightClick twitterSection" data="">
వెంకటేశ్‌, విజయశాంతి నటించిన ఓ సినిమా పేరు శత్రువే కానీ పాటలన్నీ మృదుల, మధురంగా ఉన్నాయి. రాజ్‌-కోటి మృదుమధుర స్వరాలలో ప్రవహించిన పాట.. 'పొద్దున్నే పుట్టిందీ చందమామ' చక్కని పాట.
చిరంజీవి, విజయశాంతి నటించిన 'రౌడీ అల్లుడు' కోసం బప్పీ లహరి స్వరాలలో బాలు, చిత్ర మధురగానం చిలుకా క్షేమమా.
- " class="align-text-top noRightClick twitterSection" data="">
2000 సంవత్సరంలో వచ్చిన 'నువ్వేకావాలి' సినిమాలో సిరివెన్నెల రాసిన కళ్లల్లోకి కళ్లు పెట్టి చూడంవెందుకో కదిలించే పాట. ఇదే చిత్రంలో ' అనగనగా ఆకాశం ఉంది' పాట యువహృదయాలకు గిలిగింత. చక్కలిగింత.
నాటి తరమైనా, నేటి తరమైనా.. మేటిపాటలిచ్చిన సిరివెన్నెల తనకు తానే సాటి. తరాలను అధిగమించిన అక్షర మాంత్రికుడు. గిలిగింతల గీతాలిచ్చినా, పెద్ద హీరోలకీ పాటలిచ్చారు. పడుచు హీరోలకూ ప్రేమ మంత్రపుష్పాలు రాశారు. 'మనసంతా నువ్వే' చిత్రంలో అందమైన బాల్యానికి అమూల్య ఆవిష్కరణ 'తూనీగా తూనీగా' పాట. 'ఆనందం' సినిమాలో హీరో ఆకాశ్, హీరోయిన్ రేఖ అభినయించిన 'కనులు తెరిచినా, కనులు మూసినా కలలు ఆగలేదా' గీతం అద్భుత అభివ్యక్తి. ఇలాంటి ఎన్నో పాటలు సిరివెన్నెల కలం నుంచి జాలువారి.. ప్రేక్షకుల్ని మంత్రముగ్ధుల్ని చేశాయి.
- " class="align-text-top noRightClick twitterSection" data="">
ఇదీ చూడండి: ఆయన అక్షరం తెలుగు పాటకు వెలుగు బాట
