ఇప్పటివరకు తన పాటలతో అలరిస్తున్న ప్రముఖ సింగర్ సునీత త్వరలో నిర్మాతగా మారనుందా? అంటే అవుననే సినీ వర్గాలు అంటున్నాయి. బిజినెస్మ్యాన్ రామ్ వీరపనేనిని ఇటీవల వివాహం చేసుకున్న ఈమె.. త్వరలో ఆయనతో కలిసి నిర్మాణ రంగంలోకి అడుగుపెట్టనున్నట్లు వార్తలు వస్తున్నాయి.
మ్యాంగో సంస్థల అధినేత రామ్.. 'ఏక్మినీ కథ' సినిమాతో నిర్మాణంలో భాగస్వామ్యమయ్యారు. త్వరలోనే ఓ వెబ్సిరీస్ను రూపొందించాలని అనుకుంటున్నారు. అయితే దీనికి సంబంధించిన బాధ్యతల్ని సునీత స్వయంగా పర్యవేక్షించనున్నారట.
సునీత తెలుగులో ఎన్నో హిట్పాటలు పాడి శ్రోతల మదిలో చెరిగిపోని స్థానం సంపాదించారు. ప్లేబ్యాక్ సింగర్గానే కాకుండానే యాంకర్గా, డబ్బింగ్ ఆర్టిస్ట్గా తెలుగు ప్రేక్షకులను అలరించారు. సౌందర్య, స్నేహ, సోనాలి బింద్రే, కమలినీ ముఖర్జీ, జెనీలియా, ఇలియానా, త్రిష, కత్రినా కైఫ్లతో పాటు ఇంకా చాలామంది స్టార్ల హీరోయిన్లకు డబ్బింగ్ కూడా చెప్పారు.
ఇదీ చూడండి: Sunitha: కాలేజీలో మామూలు ఫాలోయింగ్ లేదు!
