శ్రుతి హాసన్ వెబ్ సిరీస్ షూటింగ్ పూర్తి

నాగ్ అశ్విన్ దర్శకత్వంలో ఓ వెబ్ సిరీస్ రూపొందింది. ఈ చిత్రంలో శ్రుతి హాసన్ నటించింది. ఇందుకు సంబంధించిన చిత్రీకరణ పూర్తయినట్లు సోషల్ మీడియా ద్వారా తెలిపింది శ్రుతి హాసన్.

అగ్ర కథానాయికలు వెబ్‌ సిరీస్‌లపై మక్కువ ప్రదర్శిస్తున్నారు. ప్రత్యేకమైన ప్రేక్షకులకు చేరువ కావడానికి అదొక మంచి వేదికగా నిలుస్తోంది. దాంతో మంచి కథ దొరకగానే, చేయడానికి పచ్చజెండా ఊపేస్తున్నారు. శ్రుతిహాసన్‌ ఇటీవల ఓ వెబ్‌ చిత్రంలో నటించినట్లు తెలుస్తోంది.

నాగ్‌ అశ్విన్‌ దర్శకత్వంలో తెరకెక్కిన ఆ చిత్రం ఇటీవలే పూర్తయింది. శ్రుతి హాసన్‌ ఇన్‌స్టా ద్వారా చిత్రీకరణ పూర్తయినట్టు పేర్కొంది. శ్రుతి తెలుగులో 'వకీల్‌సాబ్‌' సినిమాలోనూ నటించబోతోంది.