నిఖిల్, స్వాతి హీరో హీరోయిన్లుగా వచ్చిన 'కార్తికేయ' సినిమా ఘనవిజయం సాధించింది. ప్రస్తుతం ఈ చిత్రానికి సీక్వెల్ ఖరారు చేసింది చిత్రబృందం. ఈ మూవీలోనూ నిఖిల్ హీరోగా నటిస్తుండగా కథానాయిక ఎవరనేది ఖరారు కాలేదు.
తాజాగా ఈ సినిమాలో శ్రుతి శర్మను హీరోయిన్గా తీసుకుంటున్నట్లు వార్తలు వస్తున్నాయి. 'ఏజెంట్ సాయి శ్రీనివాస ఆత్రేయ'లో ఏజెంట్ స్నేహ పాత్రలో ఆకట్టుకుంది శ్రుతి. ఈ చిత్రంలో నిఖిల్ సరసన జోడీగా ఎంపికైనట్లు సమాచారం.
ఇప్పటికే స్క్రిప్ట్ వర్క్ పూర్తి కాగా అక్టోబర్ రెండో వారంలో షూటింగ్ ప్రారంభించనున్నారట. 'కార్తికేయ'కు దర్శకత్వం వహించిన చందు మొండేటినే సీక్వెల్కూ డైరెక్టర్ బాధ్యతలు నిర్వర్తించనున్నాడు. నటీనటులు, సాంకేతిక వర్గం వివరాలు తెలియాల్సి ఉంది.
ఈ చిత్రాన్ని పీపుల్ మీడియా ఫ్యాక్టరీ పతాకంపై నిర్మాతలు టి.జి.విశ్వప్రసాద్, వివేక్ కూచిభొట్ల నిర్మిస్తున్నారు.
ఇవీ చూడండి.. సిక్స్ప్యాక్ 'ఫైటర్'గా విజయ్ దేవరకొండ
