టాలీవుడ్లో హీరోగా ఎంట్రీ ఇవ్వడం చాలా సంతోషంగా ఉందని హీరోయిన్ రకుల్ప్రీత్ సింగ్ సోదరుడు అమన్ సింగ్ తెలిపాడు. తెలుగు సినీపరిశ్రమలో నటుడిగా అడుగుపెట్టే ముందు తన సోదరి రకుల్.. కొన్ని నియమాలు పెట్టిందని అతడు తెలిపాడు. 'తెరవెనుక' చిత్రంతో టాలీవుడ్ లోకి అమన్ హీరోగా అరంగేట్రం చేస్తున్నాడు.
ఈటీవీ భారత్ ప్రత్యేక ఇంటర్వ్యూలో అమన్ ప్రీత్ సింగ్
ఐదేళ్ల ముందు నుంచే రంగస్థల కళాకారుడిగా శిక్షణ పొందినట్లు 'ఈటీవీ భారత్'కు ఇచ్చిన ప్రత్యేక ఇంటర్వ్యూలో అమన్ వివరించాడు. ఇప్పటి వరకు హీరోగా మూడు సినిమాలు చేశానని, నిర్మాణాంతర కార్యక్రమాల వల్ల తొలి రెండు సినిమాల విడుదల ఆలస్యమైందని వెల్లడించాడు. తన సినిమాలకు తొలి విమర్శకురాలు రకుల్ప్రీత్ సింగ్ అని తెలిపాడు.
