నేచురల్ స్టార్ నాని హీరోగా తెరకెక్కిన 'జెర్సీ' చిత్రం టాలీవుడ్లో విమర్శకుల ప్రశంసలు అందుకుంది. ప్రస్తుతం ఈ సినిమా బాలీవుడ్లో రీమేక్ అవుతోంది. షాహిద్ కపూర్ హీరో. తాజాగా ఈ చిత్ర షూటింగ్ ముగిసిన నేపథ్యంలో ఓ భావోద్వేగ సందేశాన్ని పోస్ట్ చేశాడు షాహిద్. కరోనా విపత్కర పరిస్థితుల్లోనూ షూటింగ్లో పాల్గొన్న వారికి ధన్యవాదాలు తెలుపుతూ ఇన్స్టా వేదికగా సినిమాకు సంబంధించిన ఫొటోలు పంచుకున్నాడు.
"కరోనా సమయంలోనూ 47 రోజుల పాటు షూటింగ్ చేశాం. 'జెర్సీ' సినిమా షూటింగ్ ఎట్టకేలకు ముగిసింది. ఈ సినిమా కోసం పనిచేసిన చిత్రబృందానికి ధన్యవాదాలు. ఇన్ని తక్కువ రోజుల్లో షూటింగ్ ముగించడం అద్భుతం".
-షాహిద్ కపూర్, బాలీవుడ్ నటుడు.
ఈ పోస్ట్తో పాటు మరో ఫొటో షేర్ చేశాడు షాహిద్. చేతులు వెనక్కిపెట్టుకుని మైదానంలో నిల్చున్న ఈ ఫొటోని కొద్ది సమయంలోనే ఐదు లక్షల మంది అభిమానులు లైక్ చేశారు.
షూటింగ్లో పాల్గొన్న సభ్యులందరూ కలిసి బ్యాట్, బంతి ఆకారంలో తయారు చేసిన కేక్ను కట్ చేశారు. ఈ ఫొటోనూ షేర్ చేసిన షాహిద్.. '2019 డిసెంబర్ 14న ప్రారంభమై 2020 డిసెంబర్ నాటికి షూటింగ్ ముగిసింది. సినిమా కోసం పనిచేసిన ప్రతి ఒక్కరికీ ధన్యావాదాలు' అని క్యాప్షన్ ఇచ్చాడు.
ఇదీ చదవండి:'ఆచార్య' సెట్లో కాజ‌ల్-కిచ్లూ జంటకు మెగాశీస్సులు
