సూపర్ స్టార్ మహేశ్బాబు హీరోగా నటిస్తున్న సినిమా 'మహర్షి'. ఈ సినిమాలో 'నువ్వే సమస్తం..నువ్వే సిద్ధాంతం...' అంటూ సాగే లిరికల్ పాట విడుదలైంది. ఇప్పటికే వచ్చిన 'చోటి చోటి బాతే...' గీతం సంగీత ప్రియుల్ని అలరిస్తోంది. పూజా హెగ్డే హీరోయిన్గా కనిపించనుండగా, అల్లరి నరేశ్ కీలక పాత్రలో నటించాడు.
'నీదొక మార్గం అనితర సాధ్యం.. నీదొక పర్వం శిఖరపు గర్వం...' అంటూ సాగే లిరిక్స్ సాహిత్య ప్రేమికుల్ని ఆకట్టుకుంటున్నాయి. దేవీ శ్రీ ప్రసాద్ సంగీతమందించాడు. వంశీ పైడిపల్లి దర్శకత్వం వహించాడు. దిల్రాజ్, అశ్వనీదత్, పీవీపీ నిర్మాతలుగా వ్యవహరించారు. వేసవి కానుకగా మే 9న ప్రేక్షకుల ముందుకు రానుందీ చిత్రం.
ఇది చదవండి: 'గెలిచి చూపించడం నాకు అలవాటు'
