సెకండ్ వేవ్ ప్రభావంతో మూతబడిన సినిమా థియేటర్లు తెరుచుకునేందుకు ప్రభుత్వం ఇటీవల అనుమతిచ్చింది. గురువారం(జులై 8) నుంచి ఏపీలో 50 శాతం సామర్ధ్యంతో, తెలంగాణలో 100 శాతం ప్రేక్షకులు వచ్చేందుకు అవకాశమిచ్చింది. ఇప్పుడు రెండోదశ లాక్డౌన్ తర్వాత విడుదలకానున్న తొలి సినిమాగా సత్యదేవ్ 'తిమ్మరుసు' నిలవనుంది. ఈ మేరకు చిత్రబృందం గురువారం ప్రకటన చేసింది. జులై 30న సినిమాను థియేటర్లలోకి తీసుకురానున్నట్లు స్పష్టం చేశారు. దీంతో మిగతా చిత్రాల రిలీజ్ డేట్స్ కూడా త్వరలో ప్రకటించే అవకాశాలు ఎక్కువగా కనిపిస్తున్నాయి.
'లవ్స్టోరి', 'రాధేశ్యామ్' ఎప్పుడు?
అయితే జులై 30నే తమ సినిమా విడుదల చేయనున్నట్లు ప్రభాస్ 'రాధేశ్యామ్' నిర్మాతలు ఎప్పుడో చెప్పారు. ఇప్పటివరకు రిలీజ్ డేట్ మార్పుపై ఎలాంటి ప్రకటన చేయలేదు. దీంతో ఆరోజునే తమ డార్లింగ్ హీరో సినిమా వచ్చేస్తుందంటూ అభిమానులు సంతోషపడుతున్నారు.
జులై చివరి వారంలోనే నాగచైతన్య-సాయిపల్లవి 'లవ్స్టోరి' చిత్రాన్ని విడుదల చేయాలని నిర్మాతలు భావిస్తున్నారు. 'తిమ్మరుసు' రిలీజ్ డేట్ చెప్పిన నేపథ్యంలో ఏం చేస్తారో చూడాలి. దీంతో ఇతర చిత్రాల విడుదల తేదీలపైనా త్వరలో స్పష్టత రానుంది.
ఇవీ చదవండి:
