Sarvanand Rashmika adavallu meeku joharlu: 'ప్రేక్షకుల తననుంచి కోరుకునేవన్నీఆడవాళ్లు మీకు జోహార్లు సినిమాలో ఉంటాయని' అన్నారు అని యువ నటుడు శర్వానంద్ అన్నారు. ఆయన హీరోగా దర్శకుడు కిశోర్‌ తిరుమల ఈ మూవీని తెరకెక్కించారు. చెరుకూరి సుధాకర్‌ నిర్మించిన ఈ సినిమా ఫిబ్రవరి 25న విడుదలకానుంది. ఈ నేపథ్యంలో ప్రీ రిలీజ్‌ ప్రెస్‌మీట్లో సినిమా గురించి పలు ఆసక్తికర సంగతులను తెలిపారు.
"శతమానం భవతి, మహానుభావుడు లాంటి ఫ్యామిలీ ఎంటర్‌టైనర్‌ చిత్రాల్లో నటించట్లేదేంటి? అని చాలామంది నన్ను అడిగారు. 'ఆడవాళ్లు మీకు జోహార్లు'తో దానికి సమాధానం లభిస్తుందని భావిస్తున్నా. ఈ చిత్రంలో నా నుంచి మీరు కోరుకునేవన్నీ ఉంటాయి. మళ్లీ పాత శర్వాను చూస్తారు. ఓ మంచి సినిమా చూశామన్న ఫీలింగ్‌తో థియేటర్‌ నుంచి ఇంటికి వెళ్తారు. అంతకుమించి ఈ సినిమా గురించి ప్రస్తుతానికి ఏం చెప్పలేను. త్వరలో నిర్వహించే ఈవెంట్లలో మాట్లాడతాను. రాధికా, ఖుష్బూ, ఊర్వశి లాంటి సీనియర్‌ నటీమణులతో నటించటం ఎంతో ఆనందంగా ఉంది. వారి నుంచి ఎన్నో కొత్త విషయాలు నేర్చుకొన్నా. రష్మిక చాలా అద్భుతమైన నటి. ‘పుష్ప’ సినిమా చేస్తూనే ఈ చిత్రంలోనూ నటించింది. అయినా ఎప్పుడూ సెట్‌కు ఆలస్యంగా వచ్చేది కాదు. ఇంత మంచి స్క్రిప్టును నాకు ఇచ్చినందుకు దర్శకుడు కిశోర్‌గారికి థ్యాంక్స్‌. షూటింగ్‌ అంతా చాలా సరదాగా సాగింది"
-శర్వానంద్, హీరో
"దర్శకుడు కిశోర్‌గారు ఈ సినిమా కథ చెప్తున్నపుడే బాగా నవ్వొచ్చింది. అంతమంచి ఎంటర్‌టైనర్‌ ఇది. సెట్‌కు వెళ్లినపుడు, నటించేటపుడు, డబ్బింగ్‌ చెప్పేటపుడు.. ఇలా ప్రతి దశలోనూ నవ్వుతూనే ఉన్నా. ఈ చిత్రంలో నటించిన సీనియర్‌ నటులు, సాంకేతిక నిపుణుల్లో ఏ ఒక్కరు లేకపోయినా ఈ చిత్రం ఉండేది కాదు. ఈ సినిమా మీ అందరినీ అలరిస్తుందని ఆశిస్తున్నా"
-కథానాయిక రష్మిక.
ఈ సినిమాలో హీరోయిన్గా రష్మిక నటించింది. రాధికా, ఖుష్బూ, ఊర్వశి తదితరులు కీలక పాత్రలు పోషించారు.
- " class="align-text-top noRightClick twitterSection" data="">
ఇదీ చూడండి: Oscars 2022: ఆస్కార్ హోస్ట్గా రెజీనా!
