బాలీవుడ్లో ఓ కొత్త జోడీ తెరపై సందడి చేయడానికి సిద్ధమవుతోంది. యువ కథానాయకుడు విక్కీ కౌశల్ నటిస్తున్న చిత్రం 'ది ఇమ్మోర్టల్ అశ్వత్థామ'. ఇందులో విక్కీ జోడీగా సారా అలీఖాన్ను తీసుకున్నట్లు తెలుస్తోంది.
చారిత్రక నేపథ్యంతో కూడిన సైన్స్ ఫిక్షన్ యాక్షన్ కథతో ఈ చిత్రాన్ని రూపొందిచనున్నారు. ఇందులో సారా పాత్రకు సంబంధించి కూడా భారీ యాక్షన్ సన్నివేశాలు ఉన్నాయని బాలీవుడ్లో ప్రచారం జరుగుతోంది. ఇప్పటి వరకూ ప్రేమ కథలు, సరదా పాత్రల్లో నటించిన సారా స్టంట్స్ చేయబోతుందని సమాచారం.
ఈ చిత్రంలోని పాత్ర కోసం విక్కీ ఇప్పటికే వర్కౌట్లు మొదలు పెట్టేశాడు. గుర్రపు స్వారీ, విలువిద్య లాంటి వాటిలో శిక్షణ తీసుకుంటున్నాడు. వాటికి సంబంధించిన విశేషాలు సామాజిక మాధ్యమాల్లోనూ పంచుకుంటున్నాడు. ఆదిత్య ధర్ దర్శకత్వం వహిస్తున్న ఈ చిత్రాన్ని రోనీ స్క్రూవాలా నిర్మిస్తున్నారు.
ఇదీ చూడండి: 'పఠాన్' కోసం షారుక్కు భారీ రెమ్యూనరేషన్!
