ప్రస్తుతం తన ఆరోగ్యంపై దృష్టి సారించడానికి వృత్తిపరమైన ఒప్పందాలకు తాత్కాలిక విరామం ఇస్తున్నట్లు మంగళవారం వెల్లడించాడు బాలీవుడ్ నటుడు సంజయ్ దత్. ఈ విషయాన్ని సామాజిక మాధ్యమాల ద్వారా ప్రకటించాడు.
- — Sanjay Dutt (@duttsanjay) August 11, 2020 " class="align-text-top noRightClick twitterSection" data="
— Sanjay Dutt (@duttsanjay) August 11, 2020
">— Sanjay Dutt (@duttsanjay) August 11, 2020
"వైద్య చికిత్స కోసం వృత్తిపరమైన ఒప్పందాల నుంచి స్వల్ప విరామం తీసుకుంటున్నా. నా కుటుంబసభ్యులు, స్నేహితులు నాతోనే ఉన్నారు. అనవసర ప్రచారాలు చేయవద్దని నా శ్రేయాభిలాషులను కోరుతున్నా. మీ ప్రేమ, శుభాకాంక్షలతో నేను త్వరలోనే తిరిగి వస్తా".
-సంజయ్ దత్, బాలీవుడ్ నటుడు
గతవారం శ్వాస సంబంధిత సమస్య రావడం వల్ల ముంబయిలోని లీలావతి ఆస్పత్రిలో చేరాడు సంజయ్ దత్. కరోనా అనుమానంతో పరీక్ష చేయగా అందులో నెగటివ్గా నిర్థరణ అయ్యింది. ఆస్పత్రిలో రెండు రోజుల వైద్య పర్యవేక్షణ తర్వాత సోమవారం డిశ్చార్జ్ అయ్యాడు సంజయ్.
సంజయ్ దత్ నటించిన 'సడక్ 2', 'భుజ్: ది ప్రైడ్ ఆఫ్ ఇండియా' ఓటీటీలో విడుదలకు సిద్ధమయ్యాయి. ప్రస్తుతం 'కేజీఎఫ్ 2', 'షంషెరా' చిత్రాల్లో నటిస్తున్నాడు.
