బాలీవుడ్ స్టార్ హీరో సంజయ్ దత్.. క్యాన్సర్ నుంచి కోలుకున్నాక కుటుంబంతో కలిసి దుబాయ్లోనే ఉంటున్నారు. అయితే తాజాగా దీపావళి వేడుకలను అక్కడే నిర్వహించుకున్నారు. అయితే ఈ పండక్కి సంజయ్దత్ ఇంటికి ఓ అతిథి వచ్చారు. ఆయనెవరో కాదు మలయాళ సూపర్స్టార్ మోహన్లాల్. ఇటీవల ఐపీఎల్ ఫైనల్ మ్యాచ్కు హాజరైన మోహన్లాల్.. ఇంకా ఆ దేశంలోనే ఉన్నారు. అయితే తాజాగా సంజూ కుటుంబంతో కలిసి దీపావళి సంబరాల్లో పాల్గొన్నారు. ఈ సందర్భంగా తీసుకున్న ఫొటోలను అభిమానులతో పంచుకోగా... ప్రస్తుతం అవి నెటిజన్లను విశేషంగా ఆకట్టుకుంటున్నాయి.
చివరిగా 'సడక్ 2' సినిమాతో ప్రేక్షకుల ముందుకొచ్చిన సంజయ్.. 'కేజీఎఫ్ 2'లో అధీరా పాత్ర పోషిస్తున్నారు. ఈ చిత్రంతోనే కన్నడ ఇండస్ట్రీలోకి ఎంట్రీ ఇవ్వనున్నారు. ప్రశాంత్ నీల్ ఈ చిత్రానికి దర్శకత్వం వహిస్తున్నారు. వచ్చే ఏడాది ప్రారంభంలో ప్రేక్షకుల ముందుకు రానుందీ సినిమా.
