వివేక్​ ఒబెరాయ్​ ఇంట్లో సీసీబీ సోదాలు

బాలీవుడ్​ నటుడు వివేక్​ ఒబెరాయ్​ ఇంట్లో బెంగళూరు సీసీబీ అధికారులు సోదాలు నిర్వహించారు. కన్నడ చిత్రసీమ డ్రగ్స్​ కుంభకోణంలో ప్రధాన నిందితుల్లో ఒకరైన ఆదిత్య అల్వా పరారీలో ఉండటం వల్ల.. అతని బంధువైన సదరు హీరో ఇంటిలో అధికారులు తనిఖీలు చేశారు .

ముంబయిలోని బాలీవుడ్​ నటుడు వివేక్​ ఒబెరాయ్​ ఇంట్లో బెంగళూరు సీసీబీ సోదాలు చేసింది. కన్నడ చిత్రసీమ డ్రగ్స్​ కేసులో ప్రధాన నిందితుల్లో ఒకరిగా ఉన్న ఆదిత్య అల్వా.. వివేక్​ ఒబెరాయ్​కి స్వయానా బావమరిది. సెప్టెంబరు నుంచి అతడు పరారీలో ఉండగా.. అతడి సన్నిహితుల ఇళ్లలో సీసీబీ అధికారులు సోదాలు చేస్తున్నారు.
పోలీసులు కథనం ప్రకారం.. "ఆదిత్య అల్వా కన్నడ చిత్రసీమ డ్రగ్స్​ కుంభకోణంలోని ప్రధాన నిందితుల్లో ఒకరు. బెంగళూరులోని​ అతడి నివాసంలో సెప్టెంబరులోనే సోదాలు చేశాం. మాదకద్రవ్యాల కేసు దర్యాప్తు జరుగుతున్నప్పటి నుంచి అతడు కనిపించడం లేదు. ఆదిత్యను పట్టుకునే క్రమంలో అతడి సన్నిహితుల ఇళ్లలో సోదాలు చేస్తున్నాం" అని అధికారులు తెలిపారు.