అటు తమిళ చిత్రాలతో పాటు తెలుగు సినిమాల్లోనూ వరుస సినిమాలతో బిజీగా ఉన్నారు తమిళ దర్శకుడు, నటుడు సముద్రఖని. ఇటీవలే విడుదలైన 'క్రాక్' చిత్రంలోనూ విలన్ పాత్రలో ప్రేక్షకులను మెప్పించారు. సముద్రఖని.. ప్రస్తుతం రాజమౌళి తెరకెక్కిస్తోన్న 'ఆర్ఆర్ఆర్' చిత్రీకరణలో బిజీగా ఉన్నారు. అయితే ఈ నటుడికి మరో మల్టీస్టారర్ సినిమాలో అవకాశం లభించింది.
'అయ్యప్పనుమ్ కోశియుమ్' తెలుగు రీమేక్లో తాను నటించబోతున్నట్లు సముద్రఖని ఇటీవలే ఇచ్చిన ఓ ఇంటర్వ్యూలో వెల్లడించారు. ఇందులో ఓ కీలకపాత్రలో నటిస్తున్నట్లు స్పష్టం చేశారు. సాగర్ కే చంద్ర దర్శకత్వంలో రూపొందనున్న ఈ చిత్రంలో పవర్స్టార్ పవన్ కల్యాణ్తో పాటు రానా దగ్గుబాటి ప్రధానపాత్రలు పోషిస్తున్నారు. ఎస్ నాగ వంశీ నిర్మాతగా వ్యవహరిస్తుండగా.. మాటల మాంత్రికుడు త్రివిక్రమ్ డైలాగులు రాస్తున్నారు.
ఇదీ చూడండి: 'ఆ సినిమాలో నా పాత్రను చూసుకుని నేనే భయపడ్డా'
