అద్భుతమైన నటనతో, వైవిధ్యమైన పాత్రలు పోషిస్తూ, అభిమానుల్ని అలరిస్తోంది ముద్దుగుమ్మ సమంత. తోటి నటీనటులను ప్రోత్సహించడంలో ముందుండే ఈ భామ.. తాజాగా ఓ హీరోను పొగడ్తలతో ముంచెత్తింది. సూపర్హీరో అంటూ, అతడు నటిస్తున్న కొత్త సినిమా కోసం ఎదురుచూస్తున్నానని చెప్పింది. ఆ కథనాయకుడే రానా. ఆ చిత్రం పేరు 'అరణ్య'.
'అరణ్య'లో రానా ఫస్ట్లుక్ పోస్టర్ సోమవారం విడుదలైంది. దీనిని తన ఇన్స్టా స్టోరీలో పంచుకుని ఆనందం వ్యక్తం చేసింది సమంత. సినిమా కోసం ఎదురుచూస్తున్నానని రాసుకొచ్చింది.
తెలుగులో 'అరణ్య', తమిళంలో 'కాదన్'గా, హిందీలో 'హాతి మేరే సాథి' పేర్లతో తెరకెక్కుతోందీ సినిమా. విష్ణు విశాల్, జోయా హుస్సేన్, శ్రియ పిలగోన్కర్ ఇతర పాత్రల్లో నటిస్తున్నారు. ప్రభు సాల్మన్ దర్శకుడు. ఏప్రిల్ 2న ప్రేక్షకుల ముందుకు రానుంది.
ఇదీ చూడండి.. సల్మాన్ సినిమాలో ఛాన్స్ కొట్టేసిన 'బుట్టబొమ్మ'
