మెగాస్టార్ చిరంజీవి 153వ సినిమా 'లూసిఫర్' రీమేక్. శుక్రవారం(ఆగస్టు 13) నుంచి షూటింగ్ కూడా మొదలైంది. అయితే ఈ సినిమాకు సంబంధించి ఆసక్తికర వార్త తెగ ఆసక్తి కలిగిస్తోంది.
బాలీవుడ్ కండలవీరుడు సల్మాన్ఖాన్ ఈ చిత్రంలో అతిథి పాత్రలో కనిపించనున్నారని మాట్లాడుకుంటున్నారు. ఈ విషయమై స్పష్టత లేదు కానీ, ఒకవేళ నిజమైతే మాత్రం ఫ్యాన్స్కు పండగే.
ఈ సినిమాను కోలీవుడ్ స్టార్ డైరెక్టర్ మోహన్ రాజా తెరకెక్కిస్తున్నారు. మెగాసూపర్ గుడ్ ఫిల్మ్స్ పతాకంపై ఆర్బీ చౌదరి, ఎన్వీ ప్రసాద్ నిర్మిస్తున్నారు. తమన్ సంగీతమందిస్తున్నారు.
మలయాళ సూపర్హిట్ 'లూసిఫర్'కు రీమేక్ ఇది. ఈ పొలిటికల్ డ్రామాలో మోహన్లాల్, మంజు వారియర్, వివేక్ ఒబెరాయ్ ప్రధాన పాత్రల్లో నటించారు. మరి తెలుగులో చిరుతో పాటు ఎవరెవరు నటిస్తున్నారో తెలియాలంటే కొద్దిరోజులు ఆగాల్సిందే.
ఇదీ చదవండి: రాధికా ఆప్టేను బహిష్కరించండి.. నెటిజన్ల డిమాండ్
