కరోనా కేసులు మళ్లీ పెరుగుతుండటం, మహారాష్ట్రలో వారంతపు లాక్డౌన్ విధించడం వల్ల వరుసగా బాలీవుడ్ బడా హీరోల సినిమా విడుదల తేదీలు వాయిదా పడుతున్నాయి. ఇప్పటికే అక్షయ్కుమార్ 'సూర్యవంశీ', అమితాబ్ బచ్చన్ 'చెహ్రే' సినిమాలు వాయిదా పడగా.. ఇప్పుడు సల్మాన్ ఖాన్ నటించిన 'రాధే'ను పోస్ట్పోన్ చేసే యోచనలో చిత్రబృందం ఉందని జోరుగా ప్రచారం సాగుతోంది.
ఈ క్రమంలో దీనిపై స్పందించిన సల్మాన్ ఈ విధంగా మాట్లాడారు. "చెప్పిన సమయానికే సినిమాను విడుదల చేసేందుకు ప్రయత్నిస్తున్నాం. కానీ, లాక్డౌన్ ఇలానే కొనసాగితే వచ్చే ఈద్కు చిత్రాన్ని వాయిదా వేస్తాం. ప్రజలందరూ మాస్కులు పెట్టుకుని, భౌతిక దూరం, కరోనా నిబంధనలను జాగ్రత్తగా పాటిస్తే అనుకున్న తేదీకే సినిమా రిలీజ్ చేస్తాం. సెకండ్ వేవ్ త్వరగా ముగిసిపోతుందని అనుకుంటున్నాను. నిబంధనలు ఉల్లంఘిస్తే కరోనా కేసులు మరింత పెరిగిపోతాయి, దానివల్ల థియేటర్ యజమానులే కాకుండా వలస కూలీల ఉపాధికీ ముప్పు ఏర్పడుతుంది" అని అన్నారు.
ఇదీ చూడండి: సల్మాన్ vs జాన్ అబ్రహం.. 'విరాటపర్వం' టీజర్ కౌంట్డౌన్
