కృష్ణజింకల కేసులో బాలీవుడ్ స్టార్ హీరో సల్మాన్ఖాన్.. శనివారం(ఫిబ్రవరి 6) కోర్టుకు నేరుగా హాజరు కాకపోయినా అభ్యంతరం లేదని జోధ్పుర్ న్యాయస్థానం చెప్పింది. దీంతో వర్చువల్గా కోర్టు ముందుకు రానున్నారు సల్మాన్.
కరోనా కారణంగా కొన్ని నెలలుగా వాయిదా పడుతూ వచ్చిన ఈ కేసు.. ఈ ఏడాది జనవరి 16న మళ్లీ హియరింగ్కు వచ్చింది. ఆ రోజు సల్మాన్ కోర్టుకు హాజరు కాలేదు. కరోనా నేపథ్యంలోనే రాలేకపోతున్నానంటూ న్యాయస్థానానికి విన్నవించుకున్నారు.
అసలు ఈ కేసు ఏంటి?
1998లో 'హమ్ సాథ్ సాథ్ హై' షూటింగ్లో భాగంగా చిత్రబృందం జోధ్పుర్ వెళ్లింది. ఆ ఏడాది అక్టోబరులో కృష్ణ జింకలను వేటాడినందుకు ట్రయల్ కోర్టు సల్మాన్ఖాన్కు 2018 మార్చిలో ఐదేళ్ల జైలు శిక్ష విధించింది. అతడొక్కడినే దోషిగా తేల్చింది.
అనంతరం జోధ్పుర్ సెషన్స్ కోర్టుకు సల్మాన్ వెళ్లగా, స్టే ఇచ్చి షరతులతో కూడిన బెయిల్ మంజూరు చేసింది. అప్పటి నుంచి సల్మాన్ బయటే ఉంటున్నారు.
ఇది చదవండి: హీరో సల్మాన్ఖాన్ హత్యకు కుట్ర
