అమెరికా హ్యూస్టన్లో జరగనున్న ఓ ప్రైవేట్ ఈవెంట్ను బాలీవుడ్ నటుడు సల్మాన్ఖాన్ రద్దు చేసుకున్నాడని ప్రచారం జరుగుతోంది. ఈ కార్యక్రమాన్ని పాకిస్థాన్కు చెందిన రెహన్ సిద్ధిఖీ ఏర్పాటు చేశాడు. అతడు భారత వ్యతిరేక చర్యలకు పాల్పడుతూ అమెరికాలో విరాళాలు సేకరిస్తున్నాడని ఆరోపణలు వచ్చాయి. దీంతో రెహన్ నిర్వహించే ఈ కార్యక్రమానికి సల్మాన్ హాజరు కావట్లేదని తెలుస్తోంది. అయితే ఈ విషయంపై సల్మాన్ ఇంకా స్పందించలేదు.
సిద్ధిఖీ కొన్నేళ్లుగా బాలీవుడ్ స్టార్లతో సంగీత కచేరీలు నిర్వహించి వాటి ద్వారా భారత వ్యతిరేక చర్యలకు విరాళాలు సేకరిస్తున్నాడని సమాచారం. అతడు ఇప్పటి వరకు 400 కార్యక్రమాలను ఏర్పాటు చేశాడు. వాటిలో హిందీ సినీపరిశ్రమకు చెందిన సైఫ్ అలీఖాన్, మిఖా సింగ్, పంకజ్ ఉధాస్, రాపర్ బాద్షా వంటి ప్రముఖ వ్యక్తులు పాల్గొన్నారని తెలిసింది. 2019లో రెహన్ ఏర్పాటు చేసిన ఓ ఈవెంట్ను సింగర్ దిల్జిత్ దొసాంజ్ ఇదే విధంగా రద్దు చేసుకున్నాడు.
భారత్లో ప్రస్తుతం చర్చనీయాంశమైన సీఏఏ చట్టానికి వ్యతిరేకంగా నిరసనలు చేపట్టడానికి రెహన్ సిద్ధిఖీ విరాళాలు సేకరిస్తున్నట్టు తెలుస్తోంది.
ఇదీ చూడండి.. 'ఆర్ఆర్ఆర్' విడుదల తేదీకి 'కేజీఎఫ్ 2'..!
