తాప్సీ, భూమి పడ్నేకర్ ప్రధాన పాతల్లో నటిస్తున్న బాలీవుడ్ చిత్రం 'సాండ్ కీ ఆంఖ్'. ప్రపంచంలోనే వయో వృద్ధ షూటర్లుగా పేరు తెచ్చుకున్న చంద్రో తోమార్ (82), ప్రకాషి తోమార్(82) పాత్రల్లో వీరిద్దరూ నటిస్తున్నారు. గురువారం జాతీయ క్రీడా దినోత్సవం సందర్భంగా ఈ సినిమా పోస్టర్ను విడుదల చేసింది చిత్రబృందం.
ఈ సినిమా కోసం షూటింగ్లో శిక్షణ తీసుకున్నారు తాప్సీ, భూమి. ఇందులో చంద్రో తోమార్ పాత్రలో భూమి నటిస్తుండగా.. ప్రకాషి పాత్రను తాప్సీ పోషిస్తోంది.
"గ్రామీణ ప్రాంతం నుంచి వచ్చినప్పటికీ భారత మహిళలు ఎవరికీ తక్కువ కాదని నిరూపించారు. వారు (చంద్రో , ప్రకాషి) కన్న కలను నిజం చేసుకునేందుకు ఎన్నో ఆటుపోట్లు ఎదుర్కొన్నారు. షూటింగ్లో ప్రపంచవ్యాప్తంగా గుర్తింపు తెచ్చుకున్నారు" -తాప్సీ, హీరోయిన్
తనకు చంద్రో తోమార్ షార్ప్ షూటింగ్లో శిక్షణ ఇచ్చిందని భూమి పడ్నేకర్ తెలిపింది.
"మీరట్ చుట్టుపక్కల గ్రామాల్లోని చాల మందిని కలిశా. ప్రతి ఒక్కరికి షూటింగ్ అంటే ఎంత ఇష్టమో తెలుసుకున్నా. ఆట పట్ల వారికున్న ఉత్సుకత, పట్టుదల, కఠోర శ్రమను చూస్తుంటే ఆశ్చర్యమేసింది"
-భూమి పడ్నేకర్, హీరోయిన్
తుషార్ హిరానందాని తెరకెక్కిస్తోన్న ఈ సినిమాను అనురాగ్ కశ్యప్ నిర్మిస్తున్నాడు. ప్రకాశ్ జా, వినీత్ కుమార్ తదితరులు కీలకపాత్రల్లో నటిస్తున్నారు. దీపావళి కానుకగా ప్రేక్షకుల ముందుకు రానుందీ చిత్రం.
ఇది చదవండి: షార్ట్ఫిల్మ్స్ నుంచి సాహో వరకు ఎదిగిన సుజీత్
