RRR movie: 'ఆర్ఆర్ఆర్'.. థియేటర్లలోకి రావడానికి ఇంకా చాలా రోజులు టైముంది. కానీ ఆ సినిమా ట్రైలర్ మాత్రం యూట్యూబ్లో రికార్డులు సెట్ చేస్తూ దూసుకెళ్తుంది. డిసెంబరు 9న ఆ ట్రైలర్ విడుదలవగా.. ప్రస్తుతం అది అన్ని భాషల్లో కలిపి 100 మిలియన్ వ్యూస్ సాధించింది. దేశంలోనే ఈ ఘనత సాధించిన తొలి సినిమా ఇదే కావడం విశేషం.
అలానే ఈ సినిమాతో తొలి పాన్ ఇండియా చిత్రం చేసిన ఎన్టీఆర్.. సొంతంగా హిందీలో డబ్బింగ్ కూడా చెప్పారు. ఈ విషయాన్ని బుధవారం ఓ ఫొటో పోస్ట్ చేసి వెల్లడించారు. ఇప్పటికే తెలుగుతో పాటు తమిళం, కన్నడ, మలయాళంలోనూ తారక్ స్వయంగా డబ్బింగ్ చెప్పడం విశేషం.
ఈ సినిమాలో రామ్చరణ్ అల్లూరి సీతారామరాజుగా, ఎన్టీఆర్ కొమరం భీమ్గా నటించారు. ఆలియా భట్, ఒలీవియా మోరిస్ హీరోయిన్లు. అజయ్ దేవ్గణ్, సముద్రఖని, శ్రియ తదితరులు కీలకపాత్రలు పోషించారు. కీరవాణి సంగీతమందించారు. రాజమౌళి దర్శకుడు. డీవీవీ దానయ్య.. రూ.450 కోట్ల భారీ బడ్జెట్తో ఈ సినిమాను నిర్మించారు. పాన్ ఇండియా స్థాయిలో జనవరి 7న థియేటర్లలో 'ఆర్ఆర్ఆర్' రిలీజ్ కానుంది.
- " class="align-text-top noRightClick twitterSection" data="">
ఇవీ చదవండి:
