'ఆర్ఆర్ఆర్' ప్రమోషన్స్​కు అన్ని కోట్ల ఖర్చా?

RRR movie: 'ఆర్ఆర్ఆర్' చిత్రం మళ్లీ వాయిదా పడేసరికి దేశవ్యాప్తంగా సినీ అభిమానులందరూ నిరుత్సాహపడ్డారు. అయితే సినిమా ప్రమోషన్స్​ కోసం చేసిన ఖర్చు గురించి ఆసక్తికర సమాచారం బయటకొచ్చింది. ఆ మొత్తం ఎంతంటే?

భారీ బడ్జెట్​ మల్టీస్టారర్ 'ఆర్ఆర్ఆర్'.. జనవరి 7న రిలీజ్ కావాల్సింది. కానీ కరోనా పరిస్థితుల వల్ల సినిమాను వాయిదా వేస్తున్నట్లు ఇటీవల ప్రకటించారు. ఈ నిర్ణయంతో రామ్​చరణ్, ఎన్టీఆర్ అభిమానులతో పాటు సగటు సినీ ప్రేక్షకులు చాలా నిరాశ చెందారు.

RRR promotions cost: అయితే పాన్ ఇండియా రేంజ్​లో విడుదలకు సిద్ధమైన ఈ సినిమా ప్రమోషన్స్​లో భాగంగా డైరెక్టర్ రాజమౌళితో పాటు రామ్​చరణ్, ఎన్టీఆర్.. పలు రాష్ట్రాల్లో తిరుగుతూ, ప్రీ రిలీజ్ ఈవెంట్స్​, ఇంటర్వ్యూల్లో పాల్గొని తెగ సందడి చేశారు. అలానే తెలుగు రాష్ట్రాల నుంచి చరణ్, తారక్​ అభిమానుల్ని కూడా బస్సుల్లో ఆయా చోట్లకు తీసుకెళ్లారు.

రాజమౌళి-రామ్​చరణ్-ఎన్టీఆర్

వీటన్నింటికి కలిపి 'ఆర్ఆర్ఆర్' టీమ్ దాదాపు రూ.18-20 కోట్లు ఖర్చు చేసినట్లు తెలుస్తోంది. అయితే 'ఆర్ఆర్ఆర్' కొత్త రిలీజ్ డేట్​ సమయానికి మళ్లీ ఈ రేంజ్​లో ప్రమోషన్స్​కు ఖర్చు చేస్తారా? లేదా? అనేది చూడాలి.

రామ్​చరణ్-ఎన్టీఆర్

RRR postponed: దాదాపు రూ.450 కోట్లతో నిర్మించిన ఈ భారీ బడ్జెట్​ సినిమాలో రామ్​చరణ్ అల్లూరి సీతారామరాజుగా, ఎన్టీఆర్ కొమురం భీమ్​గా నటించారు. ఆలియా భట్, ఒలీవియా మోరిస్ హీరోయిన్లు. అజయ్ దేవ్​గణ్, సముద్రఖని, శ్రియ తదితరులు కీలకపాత్రలు పోషించారు. కీరవాణి సంగీతమందించారు. రాజమౌళి దర్శకత్వం వహించారు. డీవీవీ దానయ్య నిర్మాతగా వ్యవహరించారు.

• " class="align-text-top noRightClick twitterSection" data="">

ఇవీ చదవండి: