RRR producer son debut film: చిత్రసీమలో ఇప్పటికే ఎంతో మంది వారసులు వచ్చారు. వారిలో కొంతమంది స్టార్స్గా కూడా ఎదిగారు. ఇప్పుడు మరో సినీ వారసుడు వెండితెర అదృష్టాన్ని పరీక్షించుకునేందుకు సిద్ధమయ్యాడు. అతడే ప్రముఖ నిర్మాత దానయ్య తనయుడు కల్యాణ్ దాసరి. తన అరంగేట్రాన్ని వినూత్నంగా ప్లాన్ చేసుకున్నాడు. తన పరిచయ చిత్రం డిఫరెంట్గా ఉండేలా ఓ ఇంట్రెస్టింగ్ ప్రాజెక్ట్ను ఎంచుకున్నాడు. 'అ', 'కల్కి', 'జాంబిరెడ్డి' వంటి వైవిధ్య కథలతో ప్రత్యేక గుర్తింపు తెచ్చుకున్న ప్రశాంత్ వర్మ దర్శకత్వంలో అతడు గ్రాండ్గా సిల్వర్స్క్రీన్ ఎంట్రీ ఇవ్వనున్నాడు. నేడు(బుధవారం) ఈ ప్రాజెక్ట్కు సంబంధించిన వివరాలను ప్రకటించారు. 'అధీర' అనే టైటిల్తో పాన్ ఇండియా ఫిల్మ్గా దీన్ని తెరకెక్కించనున్నట్లు తెలిపారు. ఇందులో కల్యాణ్ అతీత శక్తులున్న సూపర్హీరో పాత్ర చేయబోతున్నాడు. దీనికి సంబంధించిన ఓ స్పెషల్ గ్లింప్స్ను 'ఆర్ఆర్ఆర్' టీమ్ దర్శకుడు రాజమౌళి, హీరోలు ఎన్టీఆర్, రామ్చరణ్ రిలీజ్ చేశారు. ఇది సినిమాపై ఆసక్తిని రేకెత్తిస్తోంది. అయితే ఈ మూవీకి దానయ్య కాకుండా నిరంజన్రెడ్డి నిర్మాతగా వ్యవహరిస్తున్నారు.
- " class="align-text-top noRightClick twitterSection" data="">
మరోవైపు ప్రశాంత్ వర్మ.. ఇప్పటికే తేజా సజ్జాతో 'హనుమాన్' అనే ఓ సూపర్హీరో సినిమాను తెరకెక్కించారు. త్వరలోనే అది విడుదల కానుంది. 'జాంబిరెడ్డి' వంటి సూపర్‌హిట్‌ తర్వాత తేజ- ప్రశాంత్ కాంబినేషన్‌లో రూపొందుతున్న సినిమా కావటం వల్ల 'హనుమాన్'పై ప్రేక్షకుల్లో అంచనాలు పెరుగుతున్నాయి. తెలుగులో తెరకెక్కుతున్న తొలి ఒరిజినల్‌ సూపర్హీరో చిత్రమిది. అమృత అయ్యర్‌ కథానాయిక. దీన్ని కూడా నిరంజన్ రెడ్డి నిర్మించారు. ఈ పాన్ ఇండియా సినిమాకు అనుదీప్‌ దేవ్‌, హరిగౌర, జయకృష్ణ, కృష్ణ సౌరభ్‌ సంగీతం అందించారు. కాగా, ఇప్పటికే మలయాళంలో టోవీనో థామస్ ప్రధాన పాత్రలో నటించిన 'మిన్నల్మురళి' అనే సూపర్హీరో చిత్రం విడుదలై పాజిటివ్ టాక్ తెచ్చుకుంది.
ఇదీ చూడండి: ఆస్ట్రేలియాలో తారక్ క్రేజ్.. 'జై ఎన్టీఆర్' ఆకృతిలో కార్ల ర్యాలీ
