RRR Movie: సినీ ప్రియులందరూ ఎంతగానో ఎదురుచూస్తోన్న బిగ్గెస్ట్‌ యాక్షన్‌ ఎంటర్‌టైనర్‌ 'ఆర్ఆర్ఆర్'. మార్చి 25న ఈ సినిమా ప్రేక్షకుల ముందుకు రానున్న తరుణంలో 'ఆర్ఆర్ఆర్' టీమ్‌ మరోసారి ప్రమోషన్స్‌ షురూ చేసింది. ఈ నేపథ్యంలోనే 'ఆర్ఆర్ఆర్' నుంచి ఓ స్పెషల్‌ సర్‌ప్రైజ్‌ని విడుదల చేస్తున్నట్లు చిత్రబృందం ప్రకటించింది. ఈ మేరకు సినిమాలో ప్రధానతారలైన రామ్చరణ్, తారక్‌, ఆలియాతో కూడిన కొత్త పోస్టర్‌ని షేర్‌ చేసింది.
"సినిమా చివర్లో 'ఎత్తర జెండా' అనే పాట నుంచి చూపించి మీ అందర్నీ సర్ప్రైజ్ చేయాలని మేము భావించాం. కాకపోతే, మా సంతోషాన్ని త్వరగా మీతో పంచుకోవాలని అనుకుంటున్నాం. అందులో భాగంగానే 'ఆర్ఆర్ఆర్ సెలబ్రేషన్‌ ఆంథమ్‌'ని 14న విడుదల చేస్తున్నాం. ఈ పాటతో కౌంట్‌డౌన్‌ని ప్రారంభిద్దాం" అని రాజమౌళి పేర్కొన్నారు.
రూ.450 కోట్ల భారీ బడ్జెట్తో తెరకెక్కిన ఈ సినిమాలో రామ్చరణ్ అల్లూరి సీతారామరాజుగా, ఎన్టీఆర్ కొమరం భీమ్గా నటించారు. ఆలియా భట్, ఒలీవియా మోరిస్ హీరోయిన్లు. అజయ్ దేవ్గణ్, సముద్రఖని, శ్రియ తదితరులు కీలకపాత్రలు పోషించారు. కీరవాణి సంగీతమందించారు. రాజమౌళి దర్శకత్వం వహించారు. డీవీవీ దానయ్య నిర్మాత.
ఇదీ చూడండి: 'అఖండ' 100 డేస్ ఫంక్షన్.. 'ఆర్ఆర్ఆర్' ఐమ్యాక్స్ వెర్షన్
