RRR Movie 1st Day Collection Worldwide: ఎన్టీఆర్-రామ్చరణ్ కాంబోలో దర్శకధీరుడు రాజమౌళి తెరకెక్కించిన 'ఆర్ఆర్ఆర్'.. కలెక్షన్ల సునామీ సృష్టిస్తోంది. ఇప్పటికే ప్రీమియర్స్లో 'బాహుబలి 2' రికార్డులను బ్రేక్ చేసిన 'ఆర్ఆర్ఆర్'.. తొలి రోజు వసూళ్లలోనూ అదే హవా కొనసాగిస్తోంది. కేవలం అమెరికాలోనే ప్రీమియర్స్తో పాటు తొలి రోజు కలెక్షన్లు 5 మిలియన్ల (ఇంకా పెరిగే అవకాశం ఉంది) మార్కును దాటేశాయి. దీంతో 4.59 మిలియన్ డాలర్ల 'బాహుబలి 2' రికార్డును 'ఆర్ఆర్ఆర్' బ్రేక్ చేసేసింది.
'బాహుబలి 2' రికార్డు బ్రేక్: దేశవ్యాప్తంగా తొలి రోజు రూ.166 కోట్ల పైచిలుకు వసూళ్లను సాధించింది 'ఆర్ఆర్ఆర్'. ఇది కూడా బాహుబలి2 కలెక్షన్ల కంటే ఎక్కువే అని చెప్పుకోవాలి. తొలి రోజున బాహుబలి-2 రూ.152 కోట్లపైనే కలెక్షన్లను సాధించింది. అయితే ఇప్పుడు ఆ రికార్డును ఆర్ఆర్ఆర్ తిరగరాసింది.
తొలిరోజే రూ.250 కోట్లు!: ఇక తొలి రోజు ఆంధ్రప్రదేశ్, తెలంగాణలో కలిపి రూ.120 కోట్లకు పైగా కలెక్షన్లను రాబట్టినట్లు ట్రేడ్ వర్గాల సమాచారం. కర్ణాటకలో రూ.16.48 కోట్లు, తమిళనాడులో రూ.12.73కోట్లు, కేరళలో రూ.4.36 కోట్లు వసూలు చేసినట్లు తెలుస్తోంది. ఇక భారత్లోని ఇతర ప్రాంతాల్లో దాదాపుగా రూ.25కోట్లు కొల్లగొట్టింది. ఓవర్సీస్లో మరో రూ.78కోట్లు సాధించింది. దీంతో మొత్తంగా తొలి రోజే రూ.257 కోట్ల పైచిలుకు వసూళ్లను ఆర్ఆర్ఆర్ రాబట్టిందని సమాచారం. ఈ మైలురాయిని అందుకున్న తొలి భారతీయ చిత్రంగా ఆర్ఆర్ఆర్ నిలిచింది!
నైజాంలోనూ 'ఆర్ఆర్ఆర్' జోరు చూపిస్తోంది. తొలిరోజే రూ. 23.35 కోట్లు వసూలు చేసి ఏ సినిమాకూ అందనంత ఎత్తులో నిలిచింది. ఇప్పటివరకు ఇదే ఆల్టైం రికార్డు. అయితే నైజాంలో గతంలో టాప్లో నిలిచిన సినిమాలు ఏవి? అవి ఎంత వసూళ్లు సాధించాయో తెలుసుకుందాం.
- 'ఆర్ఆర్ఆర్'- రూ. 23.35 కోట్లు
- 'భీమ్లానాయక్'- రూ.11.85 కోట్లు
- 'పుష్ప'- రూ. 11.44 కోట్లు
- 'రాధేశ్యామ్'- రూ. 10.80 కోట్లు
- 'సాహో'- రూ. 9.41 కోట్లు
- 'బాహుబలి 2'- రూ. 8.9 కోట్లు
- 'వకీల్సాబ్'- రూ. 8.75 కోట్లు
ఇవీ చూడండి:
'ఆర్ఆర్ఆర్'కు కొత్త తలనొప్పులు.. రంగంలోకి మూవీ టీమ్
'ఆర్ఆర్ఆర్' కోసం తీవ్రంగా శ్రమించిన చరణ్.. వీడియో వైరల్!
''ఆర్ఆర్ఆర్' ఓ మాస్టర్‌ పీస్‌.. భారతదేశ అగ్నిపర్వతం'- సెలబ్రిటీల రివ్యూలు
