అభిమానులు ఎంతో ఆసక్తిగా ఎదురుచూస్తోన్న 'ఆర్ఆర్ఆర్' నుంచి కొత్త అప్డేట్ మరి కాసేపట్లో రానుంది. ఈ సినిమాలో సీత పాత్రలో నటిస్తున్న బాలీవుడ్ హీరోయిన్ ఆలియా భట్ పుట్టినరోజు నేడు. ఈ సందర్భంగా ఆమె ఫస్ట్లుక్ను 11గంటలకు విడుదల చేయనుంది చిత్రబృందం.
ఎన్టీఆర్‌, రామ్‌చరణ్‌ కథానాయకులుగా రాజమౌళి దర్శకత్వంలో తెరకెక్కుతున్న భారీ బడ్జెట్‌ చిత్రమిది. ఇందులో అల్లూరి సీతారామరాజుగా నటిస్తున్న చరణ్‌కు జోడీగా సీత పాత్రలో అలియా కనిపించనుంది. ఇప్పటికే ఒక షెడ్యూల్‌లో అలియా పాల్గొంది. మరోవైపు ఈ సినిమా క్లైమాక్స్‌ చిత్రీకరణ దాదాపు పూర్తికావొచ్చింది. ఇప్పటికే కీలక నటీనటుల ఫస్ట్‌లుక్‌లు, టీజర్‌లు విడుదలై సినీప్రియులను బాగా ఆకట్టుకున్నాయి. కీరవాణి స్వరాలు సమకూరుస్తున్న ఈ సినిమాను దసరా కానుకగా అక్టోబరు 13న ప్రేక్షకుల ముందుకు తీసుకురానున్నారు.
ఇదీ చూడండి: ఆలియాకు నెగిటివ్.. ఊపిరి పీల్చుకున్న 'ఆర్ఆర్ఆర్' టీమ్
