బాలీవుడ్ దర్శకుడు రోహిత్శెట్టి.. అక్షయ్ కుమార్ హీరోగా 'సూర్యవంశీ' సినిమా తీస్తున్నాడు. శరవేగంగా షూటింగ్ సాగుతోంది. కత్రినా కైఫ్ హీరోయిన్గా నటిస్తుంది. వచ్చే నెల 27న ప్రేక్షకుల ముందుకు రానుందీ చిత్రం. ఈ సందర్భంగా మాట్లాడిన డైరెక్టర్ రోహిత్.. తన తర్వాతి ప్రాజెక్టు గురించి చెప్పాడు.
"దర్శకుడిగా ప్రేక్షకులకు ఎలాంటి చిత్రాలను అందిచాలన్న అవగాహన ఉంది. కానీ నా సినిమా విడుదలయ్యే ప్రతి శుక్రవారం భయంగానే ఉంటుంది. ఏది ఏమైనా కరెక్ట్గా పని చేయడమే నాకు తెలుసు. 'సూర్యవంశీ' తర్వాత అజయ్ దేవగణ్తో 'సింగం' సిరీస్లో మరో చిత్రం చేస్తున్నాను"
- రోహిత్శెట్టి, బాలీవుడ్ దర్శకుడు
ఇదే కాకుండా ఫరాఖాన్ దర్శకురాలిగా 'సత్తే పే సత్తే' రీమేక్ను నిర్మిస్తున్నాడు రోహిత్. 'కత్రోన్ కి కిలాడీ' టీవీ షో పదో సీజన్కు సిద్ధమవుతున్నాడు.
ఇదీ చూడండి.. 'హే రామ్' కోసం ఒక్క రూపాయి తీసుకోని షారుక్
