యువ నటుడు సుశాంత్ సింగ్ ఆత్మహత్య కేసులో ఆరోపణలు ఎదుర్కొంటున్న నటి రియా చక్రవర్తి.. ఇప్పటివరకు డ్రగ్స్ ఉపయోగించలేదని చెప్పారు ఆమె తరఫు న్యాయవాది సతీశ్ మనిషిండే. ఈ విషయంలో రియా ఎలాంటి వైద్య పరీక్షకు అయినా సిద్ధంగా ఉన్నారని పేర్కొన్నారు.
సుశాంత్ కేసును దర్యాప్తు చేస్తున్న సీబీఐ... ఈ ఆత్మహత్యకు డ్రగ్స్ మాఫియాకు ఏమైనా సంబంధాలు ఉన్నాయేమోనని నార్కోటిక్స్ కంట్రోల్ బ్యూరోను సంప్రదించింది. ఈ క్రమంలోనే రియాపై ఆరోపణలు రాగా, ఆమె లాయర్ స్పందించారు.
ఇప్పటికే అధికారులు.. రియా, ఆమె తండ్రి ఇంద్రజిత్, సోదరుడు సోవిక్, సుశాంత్ మాజీ మేనేజర్ శ్రుతి మోదీ, ఫ్లాట్మేట్ సిద్ధార్థ్ పితానీ తదితరుల స్టేట్మెంట్స్ తీసుకున్నారు.
ముంబయిలో ఉన్న సిట్ బృందం.. పితానీ, సుశాంత్ వ్యక్తిగత సిబ్బందితో పాటు మరికొందరిని మంగళవారం కూడా ప్రశ్నించారు. ఇప్పటికే సుశాంత్ ఉండే ఫ్లాట్ను ఫోరెన్సిక్ బృందంతో కలిసి రెండుసార్లు పరీక్షించారు. సుశాంత్ శవ నివేదక విషయమై ఎయిమ్స్ ఫోరెన్సిక్ డిపార్ట్మెంట్ సహాయం తీసుకోవాలని అనుకుంటున్నారు.
