బాలీవుడ్ నటుడు అమితాబ్ బచ్చన్, వివాదస్పద దర్శకుడు రామ్గోపాల్ వర్మ పేరు చెప్పగానే గుర్తుకొచ్చే చిత్రం 'సర్కార్'. 2005లో పొలిటికల్‌ క్రైమ్ థ్రిల్లర్ నేపథ్యంగా వచ్చిన ఈ చిత్రంలో అమితాబ్ ప్రధాన పాత్ర పోషించగా అభిషేక్ బచ్చన్, కోట శ్రీనివాసరావు, అనుపమ్ ఖేర్ ఇతర పాత్రల్లో నటించి అలరించారు. ఈ సినిమాకు సీక్వెల్‌గా 'సర్కార్ రాజ్‌'(2008), 'సర్కార్ 3' (2017) విడుదలై మెప్పించాయి.
ఇప్పుడు అమితాబ్ - వర్మ కలిసి ఓ సినిమా చేయనున్నారని సమాచారం. రామ్గోపాల్ వర్మ గత కొన్నేళ్లుగా ఆ సినిమాకోసం స్క్రిప్టు సిద్ధం చేశారట. ఇందులోని ప్రధాన పాత్రకోసం అమితాబ్‌ని సంప్రదించారు. వర్మ చెప్పిన కథ నచ్చడం వల్ల అమితాబ్ గ్రీన్‌ సిగ్నల్‌ ఇచ్చారని సమాచారం.
ప్రస్తుతం దావూద్‌ ఇబ్రహీం జీవితం ఆధారంగా తెరకెక్కించే వెబ్‌ సీరీస్‌లో వర్మ బిజీగా ఉన్నారు. ఈ సీరీస్‌ పూర్తయ్యాక అమితాబ్ నటించే సినిమా పనులు మొదలు పెట్టే యోచనలో ఉన్నాడట. మరో వైపు అమితాబ్ 'డెడ్లీ', 'ది ఇంటర్న్'తో పాటు మరికొన్ని హిందీ సినిమాల్లో నటిస్తున్నారు. మొత్తంమీద వచ్చే ఏడాదిలో వర్మ - అమితాబ్‌ల చిత్రం సెట్స్‌ పైకి వెళ్లనుందని సినీ వర్గాలు చెప్పుకుంటున్నాయి.
ఇదీ చూడండి: బాలయ్య కోసం మరో కథ సిద్ధమైందా?
