సూపర్ స్టార్ మహేశ్ బాబు నిర్మాతగా అడివి శేష్ హీరోగా 'మేజర్' అనే చిత్రం తెరకెక్కుతోంది. మేజర్ సందీప్ ఉన్నికృష్ణన్ జీవితాధారంగా ఈ సినిమాను తెరకెక్కిస్తున్నారు. తాజాగా ఈ మూవీకి సంబంధించిన ఓ ఆసక్తికర వార్త చిత్రసీమలో చక్కర్లు కొడుతోంది.
ఈ సినిమాలో ఓ కీలక పాత్ర కోసం రేణు దేశాయ్ను తీసుకున్నట్లు సమాచారం. ఇప్పటికే మహేశ్ ఆ పాత్రకు ఆవిడయితేనే బాగుంటుందని ఆఫర్ కూడా ఇచ్చినట్లు తెలుస్తోంది. దీనిపై త్వరలోనే అధికారిక ప్రకటన వచ్చే అవకాశముందట.
ఇప్పటికే రీఎంట్రీ కోసం రేణు దేశాయ్ ప్రయత్నాలు మొదలుపెట్టారు. అందుకు ఏర్పాట్లు కూడా పూర్తి చేసినట్లు సమాచారం. కొన్ని పాత్రలు తన వద్దకు వచ్చినా.. మచి రోల్ కోసం ఆమె ఎదురుచూస్తున్నట్లు తెలుస్తోంది.
