'బాహుబలి', 'సాహో' చిత్రాలతో పసందైన యాక్షన్ హంగామాను చూపించారు అగ్ర కథానాయకుడు ప్రభాస్. అందుకే ఇప్పుడాయన కొత్తగా 'రాధేశ్యామ్'తో ఓ విభిన్నమైన ప్రేమకథను రుచి చూపించేందుకు సిద్ధమయ్యారు. రాధాకృష్ణ కుమార్‌ దర్శకత్వంలో రూపొందుతున్న చిత్రమిది. గోపీకృష్ణ మూవీస్‌, యూవీ క్రియేషన్స్‌ నిర్మిస్తున్నాయి. పూజా హెగ్డే నాయిక. ఇందులో ప్రభాస్ పెదనాన్న.. సీనియర్‌ నటుడు కృష్ణంరాజు ఓ కీలక పాత్రలో కనిపించనున్నారని సమాచారం.
ప్రభాస్, కృష్ణంరాజు గతంలో 'బిల్లా', 'రెబల్' చిత్రాల్లో కలిసి నటించారు. ఇప్పుడిన్నాళ్ల తర్వాత మళ్లీ ఈ చిత్రం కోసం తెర పంచుకోనున్నారని తెలుస్తోంది. రాధేశ్యామ్లో 'పరమహంస' అనే పాత్రలో కృష్ణంరాజు దర్శనమిస్తారని తెలుస్తోంది. ఈ సినిమా ప్రస్తుతం హైదరాబాద్‌లో తుది దశ చిత్రీకరణలో ఉంది.
ఇదీ చూడండి: బిగ్గెస్ట్ యాక్షన్ డ్రామాలో రామ్చరణ్-యశ్!
