రష్మిక మందణ్న.. చలో, గీత గోవిందం లాంటి హిట్ చిత్రాల్లో నటించి కొద్ది కాలంలోనే తెలుగులో స్టార్ హీరోయిన్గా గుర్తింపు తెచ్చుకుంది. కన్నడ హీరో రక్షిత శెట్టితో ప్రేమ వ్యవహారం గురించి ఓ ఇంటర్వ్యూలో చెప్పింది రష్మిక. కొన్ని బంధాలను ముందుకు తీసుకెళ్లలేకపోతే.. వదిలేయడమే మంచిదని చెప్పింది ఈ కన్నడ భామ.
"అమ్మనాన్నలకు నాపైన భరోసా ఎక్కువ. నా అభిప్రాయానికి ఎంతో విలువనిస్తారు. అమ్మ దగ్గర అన్నీ చెప్పుకుంటా. అందరకీ బాయ్ఫ్రెండ్స్ ఉన్నారు. నాకెందుకు లేరని అమ్మని చాలా సార్లు అడిగా. కిరిక్ పార్టీ సమయంలో హీరో రక్షిత్ శెట్టి అంటే అభిమానం ఏర్పడింది. అనంతరం అది ఇష్టంగా, ప్రేమగా మారింది. నేను తీసుకున్నది సరైన నిర్ణయమేనా అని అమ్మను అడిగా. నీ ఇష్టం.. నీకు ఏది అనిపిస్తే అది చేయ్ అని చెప్పి.. నా అభిప్రాయానికి విలువనిచ్చింది" -రష్మిక మందణ్న, హీరోయిన్.
రక్షిత్తో ప్రేమకథ నిశ్చితార్థంతోనే ఆగిపోయిందని చెప్పింది రష్మిక.
"నా ప్రేమకథ నిశ్చితార్థంతోనే ఆగిపోయింది. అంతా బాగుంది అనుకున్నప్పుడు బంధాన్ని ముందుకు తీసుకెళ్లొచ్చు. పొరపాట్లు, లోటుపాట్లు వస్తే అక్కడితో ఆ బంధాన్ని వదిలేయడం మంచిది. లేదంటే భవిష్యత్తులో చాలా కోల్పోతాం. జరిగిన పరిణామాల వల్ల ప్రేమపై నమ్మకాలేమి మారిపోలేదు. ప్రేమ చాలా గొప్పది. అది చూసే కళ్లను బట్టి ఉంటుంది" -రష్మిక మందణ్న, హీరోయిన్.
ప్రస్తుతం మహేశ్బాబు సరసన సరిలేరు నీకెవ్వరు చిత్రంలో నటిస్తోంది రష్మిక. భీష్మ, అల్లు అర్జున్ - సుకుమార్ దర్శకత్వంలో రానున్న సినిమాలోనూ ఈ కన్నడ భామే హీరోయిన్.
