కన్నడ అందాల సుందరి రష్మిక ఈ ఏడాది మహేష్‌బాబు సరసన 'సరిలేరు నీకెవ్వరు' చిత్రంలో నటించింది. ఈ చిత్రంలో 'మీకు అర్ధమౌతుందా' అంటూ తనదైన శైలిలో మ్యానరిజం పలికించి అలరించింది. రష్మిక ప్రస్తుతం కిశోర్ తిరుమల దర్శకత్వంలో తెరకెక్కనున్న చిత్రంలో కథానాయికగా అవకాశం దక్కించుకుందని వార్తలొస్తున్నాయి.
శర్వానంద్ కథానాయకుడిగా నటిస్తున్న ఈ సినిమాకు 'ఆడాళ్లు మీకు జోహార్లు' అనే టైటిల్ పరిశీలించనున్నారట. చిత్ర షూటింగ్‌ను అక్టోబర్‌ 25న దసరా పండగను పురస్కరించుకొని తిరుపతి పట్టణంలో ప్రారంభించనున్నారట. మొత్తం మీద రష్మిక తెలుగులో వరుస అవకాశాలు దక్కించుకుంటూ దూసుకెళ్తోంది.
