ఎన్టీఆర్, రష్మిక కలిసి నటించనున్నారా? అంటే అవుననే తెగ చర్చించుకుంటున్నారు సినీ వర్గాలు, నెటిజన్లు. ఎందుకంటే త్రివిక్రమ్ను ఈ భామ కలవడమే ఇందుకు కారణం. దీనికి సంబంధించిన ఫొటోలు నెట్టింట్లో వైరల్గా మారాయి. వెంటనే అభిమానులు ట్రెండింగ్ చేయడం ప్రారంభించేశారు.
త్రివిక్రమ్ తన కొత్త సినిమాను ఎన్టీఆర్తో తీయనున్నారు. 'అయినను పోయి రావలె హస్తినకు' అనే టైటిల్ను కూడా ఖరారు చేశారు. ఈ సినిమా కథ వినడం కోసమే రష్మిక.. త్రివిక్రమ్ను కలిసిందని తెలిసింది. మరి ఇందులో నిజమెంతో తెలియాలంటే అధికార ప్రకటన వచ్చే వరకు వేచి చూడాల్సిందే.
ప్రస్తుతం రష్మిక.. అల్లు అర్జున్ 'పుష్ప', 'ఆడవాళ్లు మీకు జోహార్లు', తమిళంలో 'సుల్తాన్' సినిమాలో నటిస్తోంది. మరోవైపు ఎన్టీఆర్ ఆర్ఆర్ఆర్ సినిమాతో బిజీగా ఉన్నారు. ఈ చిత్రం పూర్తవ్వగానే త్రివిక్రమ్ సినిమా సెట్స్పైకి వెళ్తుంది.
ఇదీ చూడండి: 'పాప ఓ పాప' వచ్చేసింది- 'మిషన్ మజ్ను' షూటింగ్లో రష్మిక
