తౌక్టే తుపాను మహారాష్ట్ర సహా పలు రాష్ట్రాల్లో బీభత్సం సృష్టించింది. ఈ తుపాను తీవ్రత తగ్గడం వల్ల ఇప్పుడిప్పుడే దాని బారి నుంచి ఆయా రాష్ట్రాలు కోలుకుంటున్నాయి. ఈ క్రమంలోనే 'మహా'లోని ముంబయిలో నిర్మాణ దశలో ఉన్న బాలీవుడ్ ప్రేమ పక్షులు రణ్బీర్ కపూర్, ఆలియా భట్ కొత్త ఇల్లు కూడా ఈ తుపాను దాటికి దెబ్బతింది.
పాలి హిల్ ప్రాంతంలో నిర్మితమవుతున్న ఈ ఇంటి ప్రధాన ద్వారం వద్ద భారీ చెట్లు విరిగిపడ్డాయి. నిర్మాణ పనులను పునఃప్రారంభించేందుకు.. భారీ క్రేన్ సాయంతో వాటిని తొలిగిస్తున్నారు. దానికి సంబంధించిన ఫొటోలు, వీడియోలు వైరల్ అయ్యాయి.
ప్రస్తుతం 'ఆర్ఆర్ఆర్'తో పాటు 'గంగూబాయ్ కతియావాడి', 'తఖ్త్' తదితర సినిమాలతో ఆలియా.. 'బ్రహ్మాస్త్ర', 'షంషేరా' చిత్రాలతో రణ్బీర్ బిజీగా ఉన్నారు.
- " class="align-text-top noRightClick twitterSection" data="
">
