బాలీవుడ్ దర్శకుడు శ్యామ్ రామ్సే(67) ముంబయిలో బుధవారం తుదిశ్వాస విడిచారు. కొద్దికాలంగా న్యూమోనియాతో బాధపడుతున్న ఈయన.. చికిత్స నిమిత్తం ఈ రోజు ఉదయమే ఆసుపత్రిలో చేరారు. రామ్సే సోదరుల్లో ఒకరైన శ్యామ్కు ఇద్దరు కుమార్తెలు ఉన్నారు. ఆయన మరణవార్తను కుటుంబ సభ్యులే తెలియజేశారు.
"శ్యామ్.. గత కొంతకాలంగా న్యూమోనియాతో బాధపడుతున్నారు. ఒంట్లో నలతగా ఉండటం వల్ల ఈ రోజు ఉదయమే ఆసుపత్రిలో చేర్పించాం. ఇంతలోనే ఇలా జరిగింది" -శ్యామ్ రామ్సే కుటుంబ సభ్యులు
1970, 80ల్లో హర్రర్ సినిమాలతో బాలీవుడ్లో గుర్తింపు తెచ్చుకున్నారు శ్యామ్. 'పురానీ హవేలి', 'తఖానా', 'దర్వాజా', 'పురానా మందిర్', 'వీరానా' లాంటి విజయవంతమైన చిత్రాలను తెరకెక్కించారు.
ఇదీ చదవండి: గులాబీ మొక్కకు మద్యం పోస్తున్న ఆ హీరో
