'లక్ష్మీస్‌ ఎన్టీఆర్‌' చిత్ర ప్రచార కార్యక్రమాల్లో భాగంగా ఇటీవల ఆయన విజయవాడకు వెళ్లారు. ఈ సందర్భంగా వర్మ తాను చదువుకునే రోజుల్లో నివసించిన హాస్టల్ భవనానికి వెళ్లారు. అయితే ఒకప్పుడు అబ్బాయిల హాస్టల్‌గా ఉన్న ఆ భవనం... ఇప్పుడు అమ్మాయిలకు కేటాయించారు. అయినప్పటికీ వర్మ హాస్టల్‌లోనికి వెళ్లి తాను రెండేళ్ల పాటు నివసించిన గదిని చూసుకొని మురిసిపోయారు. ''ఈ గదిలోని గోడపైనే నేను అమితంగా ఆరాధించిన శ్రీదేవి పోస్టర్‌ను అతికించుకొని చూసుకునేవాడిని'' అని ఆనాటి జ్ఞాపకాల్ని నెమరువేసుకున్నారు. అంతేకాదు ప్రస్తుతం ఆ గదిలో ఉంటోన్న యువతులతో కలిసి సెల్ఫీ తీసుకొని సామాజిక మాధ్యమాల్లో పంచుకున్నారు ఆర్జీవీ.
"సిద్ధార్థ ఇంజినీరింగ్ కళాశాల హాస్టల్లో నేను విద్యార్థిగా ఉన్నప్పుడు ఇదే గదిలో రెండేళ్లు ఉన్నాను. ప్రస్తుతం దాన్ని అమ్మాయిల హాస్టల్ కింద మార్చేశారు. ఆ రూమ్‌లో ఇప్పుడు ల‌వ్లీ గాళ్స్ ఉంటున్నారు. అప్ప‌ట్లో ఈ వెన‌క క‌నిపిస్తున్న గోడపైనే శ్రీదేవి పోస్ట‌ర్ అతికించాను".
-- రామ్గోపాల్ వర్మ, సినీ దర్శకుడు
