మెగా, నందమూరి అభిమానులకు ఫుల్ జోష్ తెప్పించే వార్త ఇది. 'ఆర్ఆర్ఆర్' సినిమాతో థియేటర్లలో త్వరలో రచ్చ చేయడానికి సిద్ధమవుతున్న ఎన్టీఆర్, తారక్.. ఇప్పుడు బుల్లితెరపైనా కలిసి అలరించేందుకు రెడీ అవుతున్నారు.
'బిగ్బాస్' రియాలిటీ షోతో గతంలో హోస్ట్గా మెప్పించిన యంగ్టైగర్ ఎన్టీఆర్.. ఇప్పుడు 'ఎవరు మీలో కోటీశ్వరులు' అంటూ వచ్చేస్తున్నారు. ప్రస్తుతం షూటింగ్ జరుగుతోంది. అయితే ఈ కార్యక్రమం తొలి ఎపిసోడ్కు మెగాపవర్స్టార్ రామ్చరణ్ అతిథి రానున్నారు! దీంతో ఈ కథానాయకుల అభిమానుల ఆనందానికి హద్దు లేకుండా పోయింది.
'ఆర్ఆర్ఆర్'లో రామ్చరణ్ అల్లూరి సీతారామరాజుగా, ఎన్టీఆర్ కొమరం భీమ్ పాత్రల్లో కనిపించనున్నారు. ఇప్పటికే విడుదల టీజర్లు, 'రోర్ ఆఫ్ ఆర్ఆర్ఆర్'(మేకింగ్ వీడియో) యూట్యూబ్లో దుమ్ములేపుతున్నాయి.
- " class="align-text-top noRightClick twitterSection" data="">
ఈ సినిమాలో హీరోయిన్లుగా ఆలియా భట్, ఒలీవియా మోరిస్ చేస్తున్నారు. అజయ్ దేవ్గణ్, రే స్టీవెన్సన్, అలీసన్ డూడీ, సముద్రఖని, శ్రియ తదితరులు కీలకపాత్రలు పోషిస్తున్నారు. కీరవాణి సంగీతమందిస్తున్నారు. ఎస్.ఎస్.రాజమౌళి దర్శకత్వం వహిస్తున్నారు. డీవీవీ దానయ్య దాదాపు రూ.450 కోట్ల బడ్జెట్తో నిర్మిస్తున్నారు. అక్టోబరు 13న ప్రపంచవ్యాప్తంగా థియేటర్లలో 'ఆర్ఆర్ఆర్' విడుదల కానుంది.
