త్వరలోనే 'ఆర్ఆర్ఆర్'తో ప్రేక్షకుల ముందుకు రానున్న మెగా పవర్స్టార్ రామ్చరణ్(ram charan movies) ప్రస్తుతం శంకర్ దర్శకత్వంలో ఓ సినిమా చేస్తున్నారు. దీని తర్వాత 'జెర్సీ' ఫేమ్ గౌతమ్ తిన్ననూరి(ram charan new movie) దర్శకత్వంలో తెరకెక్కనున్న మరో బడా ప్రాజెక్ట్లో నటిస్తారు. అయితే ఇప్పుడా సినిమా కథ గురించి ఓ ఆసక్తికర వార్త నెట్టింట్లో జోరుగా ప్రచారం సాగుతోంది. 'జెర్సీ' తరహాలోనే ఈ మూవీ కూడా స్పోర్ట్స్ డ్రామాగా రూపొందనుందని అంతా మాట్లాడుకుంటున్నారు. ప్రస్తుతం ఆయన పూర్తి స్క్రిప్ట్ను సిద్ధం చేసే పనిలో ఉన్నారని తెలిసింది. మరి ఇందులో నిజమెంతో తెలియాలంటే అధికార ప్రకటన వచ్చే వరకు వేచి ఉండాల్సిందే.
అంతకుముందు ఓ ఇంటర్వ్యూలో.. స్పోర్ట్స్ డ్రామా సినిమాలో నటించడం తన డ్రీమ్ ప్రాజెక్ట్ అని చెప్పాడు చరణ్. ఒకవేళ గౌతమ్ తెరకెక్కించే సినిమా స్పోర్ట్స్ డ్రామా అయితే చెర్రీ కల నిజమైనట్లే!
'మళ్లీరావా', 'జెర్సీ' సినిమాలతో మెప్పించారు గౌతమ్ తిన్ననూరి. హిందీలోనూ 'జెర్సీ' రీమేక్(jersey hindi remake heroine) చేశారు. అది త్వరలోనే ప్రేక్షకుల ముందుకు రానుంది. ఇక చెర్రీ నటించిన 'ఆర్ఆర్ఆర్' వచ్చే ఏడాది జనవరి 7న థియేటర్లో విడుదల కానుంది.
ఇదీ చూడండి: జాతీయ స్థాయిలో మెరిసిన 'జెర్సీ'
