అటు సినిమాల్లో నటిస్తూ, ఇటు వెబ్సిరీస్లతో అలరించేందుకు పలువురు స్టార్స్ సిద్ధమవుతున్నారు. అగ్ర తారలైన కాజల్ అగర్వాల్, సమంత, తమన్నా ఇప్పటికే ఈ జాబితాలో ఉన్నారు. ఇందులోకి త్వరలో మరో ముద్దుగుమ్మ చేరనుంది. ఆమె రకుల్ ప్రీత్ సింగ్. తనకు డిజిటల్ వరల్డ్లో నటించాలనుందని ఇటీవలే జరిగిన ఓ ఇంటర్వ్యూలో చెప్పింది.
"వెబ్ సిరీస్ల్లో నటించాలని చాలా ఆఫర్స్ వస్తున్నాయి. ఏదైనా కొత్త కథ అనిపించినప్పుడే నేను ఒప్పుకుంటా. సినిమాల్లో చేయలేని పాత్రలు కొన్ని అందులో చేయొచ్చు. నాకు సినిమాలంటే చాలా ఇష్టం. కానీ డిజిటల్ ప్రపంచంలో నటన ఫరిదిని విస్తరించొచ్చు. సరికొత్త పాత్రల్లో కనిపించే అవకాశముంది" -రకుల్ ప్రీత్ సింగ్, హీరోయిన్
ప్రస్తుతం ఈ భామ.. కమల్హాసన్ 'భారతీయుడు 2'లో.. నితిన్ సరసన ఓ సినిమాలో, బాలీవుడ్లో జాన్ అబ్రహం పక్కన 'ఎటాక్'లో కథానాయికగా నటిస్తోంది.
ఇది చదవండి: తొలి సినిమా అందుకోసమే చేశా: రకుల్ ప్రీత్
