రాజుగారి గది సిరీస్లో మూడో చిత్రం రాబోతోంది. ఇప్పటికే విడుదలైన రెండు హర్రర్ కామెడీ సినిమాలు ప్రేక్షకులను అలరించాయి. తాజాగా రాబోతున్న మూడో చిత్రంలో తమన్నా ప్రధాన పాత్రధారి. అశ్విన్ కీలక పాత్రలో కనిపించనున్నాడు. హైదరాబాద్లో ఈ సినిమా చిత్రీకరణ లాంఛనంగా ప్రారంభమైంది.
తొలి సన్నివేశానికి ప్రముఖ నిర్మాత దిల్‌రాజు క్లాప్‌నిచ్చారు. అలోక్‌ జైన్‌ స్విచ్చాన్‌ చేశారు. ‘శుక్రవారం నుంచి సినిమా రెగ్యులర్ షూటింగ్ ప్రారంభం కానుంది. ఇంతకుముందు రెండు చిత్రాలను తెరకెక్కించిన ఓంకారే ఈ సినిమాకూ దర్శకత్వం వహిస్తున్నాడు.
తొలి రెండు భాగాలూ ఎంతగా అలరించాయో, మూడో భాగం అంతకంటే ఎక్కువే వినోదాన్ని అందిస్తాయని చిత్రబృందం తెలిపింది. ఛాయాగ్రహణం ఛోటా కె. నాయుడు అందిస్తుండగా.. సాయి మాధవ్ బుర్రా మాటలు రాస్తున్నాడు.
ఇది చదవండి: ఒక పాట నిడివి ఏకంగా 20 నిమిషాలు ఉంటే...?
