'రాజుగారి గది', 'రాజుగారి గది 2'తో ప్రేక్షకుల్ని అలరించిన దర్శకుడు ఓంకార్. వీటికి కొనసాగింపుగా వస్తున్న 'రాజుగారి గది 3'తో మరోసారి భయపెట్టేందుకు సిద్ధమవుతున్నాడు. వినాయక చవితి కానుకగా ఫస్ట్లుక్ను విడుదల చేసింది చిత్రబృందం. హర్రర్ కామెడీ కథాంశంతో రూపొందుతున్న ఈ చిత్రం.. దసరాకు రానుంది.
'రాజుగారి గది 3'లో ఓంకార్ తమ్ముడు అశ్విన్ హీరోగా నటిస్తున్నాడు. 'ఉయ్యాల జంపాల'తో ఆకట్టుకున్న అవికా గోర్ హీరోయిన్. మిల్కీ బ్యూటీ తమన్నాను కథానాయికగా మొదట ఎంపిక చేశారు. కానీ కొన్ని కారణాలతో ఆమె తప్పుకుంది. ఆ తర్వాత ఈ అవకాశం అవికాను వరించింది.
అశ్విన్ బాబు ప్రధాన పాత్రలో 'రాజుగారి గది' తీశాడు ఓంకార్ . ఈ చిత్రం బాక్సాఫీస్ వద్ద మంచి విజయం అందుకుంది. సీక్వెల్గా వచ్చిన 'రాజుగారి గది 2'లో నాగార్జున, సమంత లాంటి పెద్ద తారాగణం ఉన్నా ఆశించిన ఫలితం దక్కలేదు.
ఇదీ చూడండి: 'డిస్కో' కోసం రెట్రో లుక్లో మాస్ మహారాజ్
