'దర్బార్' చిత్రంలో ఎన్కౌంటర్ స్పెషలిస్టుగా విలన్ల గుండెల్లో రైళ్లు పరిగెత్తించనున్నాడు హీరో రజనీకాంత్. తాజాగా దీపావళి సందర్భంగా రజనీ మరో కొత్త లుక్ పోస్టర్ను విడుదల చేసింది చిత్రబృందం. ఈ పోస్టర్‌లో చేతిలో తుపాకీ పట్టుకుని స్టైలిష్ లుక్లో అదరగొడుతున్నాడీ సీనియర్ హీరో.
ఇప్పటికే ప్రేక్షకుల ముందుకు వచ్చిన రెండు పోస్టర్లలో కండలు పెంచి, పోలీసు అధికారిగా ఆకట్టుకున్నాడు రజనీ.
ప్రతినాయకుడిగా ప్రతీక్‌ బబ్బర్‌ నటిస్తున్నాడు. ఏఆర్ మురుగదాస్ దర్శకుడు. లైకా ప్రొడక్షన్‌ పతాకంపై రూపుదిద్దుకుంటున్న ఈ చిత్రంలో.. నయనతార కథానాయిక. అలీరాజా శుభకరన్‌ నిర్మాత. అనిరుధ్ సంగీతం సమకూరుస్తున్నాడు. వచ్చే ఏడాది సంక్రాంతి కానుకగా రానుందీ చిత్రం.
ఇదీ చూడండి : 'అర్జున్ సురవరం' ఈ సారైనా విడుదలవుతుందా...?
